Qazaqstanda poıyz bıletteri arzandaýy múmkin
ASTANA. QazAqparat - Investıtsııalar jáne damý mınıstri Jeńis Qasymbek poıyz bıletteri qunyn tómendetý úshin elimizde qandaı sharalar qabyldanyp jatqandyǵyn aıtyp berdi, dep habarlaıdy QazAqparat tilshisi.
«Osyndaı tájirıbe negizinen avıatsııa salasynda paıdalanylyp keledi. Bul turǵyda toptasyp bıletterdi satyp alýǵa bolady, sondaı-aq osy bıletterdi aldyn alý múmkindigi bar. Sonymen birge bıletter qunyna tıisti deńgeıde jeńildikter jasalady. Temirjolda tek ótken jyly ǵana bul protsess eki nemese úsh baǵdar boıynsha iske qosyldy», - dedi Jeńis Qasymbek.
Osy oraıda ol atalǵan tájirıbe qazirgi kezde eksperımenttik túrde engizilip jatqanyn atap ótti.
«Eger de bıletti erterek satyp alsańyz, onda 25 paıyzǵa deıin jeńildik bolýy múmkin. Meniń bilýimshe, Almaty-Astana aralyǵynda qanatqaqty poıyz bar, sondaı-aq Astanadan ońtústikke qaraı eki baǵyt eskerilgen. ıAǵnı úsh baǵdar boıynsha qanatqaqty túrde bul protsess júrip jatyr. Osy tájirıbe jyl sońyna deıin óziniń tıimdiligin kórsetse, onda temirjol basshylyǵy ony barsha Qazaqstan aýmaǵynda engizý sheshimin qabyldaıdy dep oılaımyn», - dedi Jeńis Qasymbek.
