Qazaqstanda poıyz bıletteriniń baǵasy ózgeredi

Elimizde 140 jolaýshylar poıyzy bar, tarıfterdiń kóterilýi sonyń 62-sine áser etedi, dep habarlaıdy QR Kólik mınıstrligi.

Vedomstvonyń málimetinshe, tarıfterdi kóterý avtokólik parkin jańartý, kórsetiletin qyzmetti jaqsartý jáne qyzmetkerlerdiń jalaqysyn kóterý úshin qajet.

Sondaı-aq mınıstrlik sońǵy 10 jylda áleýmettik mańyzy bar baǵyttar boıynsha jolaýshylardy tasymaldaý baǵasynyń ósýi baıqalmaǵanyn (ınflıatsııa deńgeıine ındeksteýdi qospaǵanda) atap ótti.

— Jolaýshylar vagondarynyń parki 2 667 birlikti quraıdy, onyń tozýy 44 paıyzǵa jetti. Vagondar parkin jańartýdy jeke tasymaldaýshylar da, ulttyq tasymaldaýshylar da júzege asyrady. Máselen, 2023 jyly 118 vagon, 2024 jyly 140 vagon satyp alyndy. 2025 jyldan bastap jyl saıyn 200-den astam vagon satyp alý josparlanýda, 2030 jylǵa qaraı satyp alý 1200 birlikti quraıdy, - dep jazdy mınıstrlikten.