Qazaqstanda potentsıaldy qaýipti jolaýshylardy anyqtaıtyn júıe engizilýi múmkin
ASTANA. QazAqparat - Qazaqstanda potentsıaldy qaýipti jolaýshylardy anyqtaıtyn júıe engizilmek. Bul týraly búgin Astanada áýejaı máselelerine arnalǵan IATA konferentsııasynda QR IDM Azamattyq avıatsııa komıtetiniń tóraǵasy Beken Seıdahmetov málim etti.
Komıtet basshysy jolaýshylar týraly aldyn ala aqparat alý júıesin engizý máselesine toqtala kele: «Bul ushqanǵa deıin tólqujattyq nemese vızalyq málimetterdi jınaý jáne jolaýshy kelgenge deıin táýekelderdi basqarý maqsatynda, osy málimetterge taldaý jasaý úshin ókiletti organdarǵa derekterdi elektrondy quraldardyń kómegimen jiberýge qatysty bolyp otyr», - dedi.
Osy oraıda ol bundaı sharalar jolaýshylardyń sapar aldyndaǵy rásimderin tezdetedi.
B. Seıdahmetovtiń sózine qaraǵanda, Halyqaralyq azamattyq avıatsııa uıymyna múshe barlyq elderi (IKAO) ózderiniń aýmaǵyna kelýge nıet tanytqan adamdar týraly kez kelgen qajetti aqparatty alý quqyǵyna ıe. IKAO paıymynsha, jolaýshylar tasymaly kólemin damytý men arttyrýdaǵy negizgi jetistik , jolaýshylar týraly aldyn ala tekserý júıesiniń tyǵyz ózara is-qımylyn uıymdastyrýǵa qatysty, ıaǵnı jolaýshylar týraly málimetterdi aldyn ala jınaý men usyný qajet.
«Bul turǵyda jolaýshylar men júkterdiń barsha 100 paıyzy azamattyq avıatsııa úshin potentsıaldy qaterdi týdyryp otyrǵan joq jáne olardy qatań tekserýdi qajet etpeıdi degen qoldanystaǵy ustanym eskerilip otyr. Qazirgi kezde júıe kómegimen jolaýshylar týraly sońǵy málimetterdi qurý jáne ishki jáne halyqaralyq baǵyttarǵa satyp alynatyn , sondaı-aq brondalatyn barsha áýe bıletteri málimetter bazasynda jolaýshylardy tirkeýdi jazýdy qarastyrýdamyz. Júıeni engizý tıisti algorıtm jolymen, táýekelderdi avtomatty taldaý arqyly jolaýshylar aǵymy arasynan kúdikti áreketterimen kózge túskenderi anyqtaýǵa múmkindik beredi»,-dedi ol.
