Qazaqstanda postkovıdti ońaltý kýrstaryn qashyqtan ótýge bolady
NUR-SULTAN. QazAqparat – Qazaqstanda postkovıdti ońaltý kýrstaryn qashyqtan ótýge bolady. Bul týraly Ońaltý kómegi jónindegi ulttyq úılestirýshi Aıgúl Hasenova aıtty, dep habarlaıdy QazAqparat tilshisi.
«Eger jaǵdaıyna qaraı patsıent ońaltý ortalyǵyna nemese medıtsınalyq uıymǵa jetkizilmese, onda saýyqtyrý is-sharalary qashyqtan telekonsýltatsııa tártibinde júrgiziledi. Osy oraıda dáriger uıaly baılanys arqyly osyndaı adamdarmen baılanysqa shyǵyp, tynys alý gımnastıkasynyń tásilderin túsindiretin jáne konsýltatsııalar beretin kezder bolyp jatady», - dedi ol COVID-19-dan keıingi ońaltý máselelerine arnalǵan onlaın dáris barysynda.
Onyń aıtýynsha, hattamaǵa sáıkes dárigerler qashyqtan konsýltatsııa júrgizip, patsıentter úshin ondaın rejımde túsindire alady.
Budag buryn habarlanǵandaı, ol Qazaqstanda qandaı aýrýlar kezinde ońaltý kómegi usynylatynyn aıtqan edi. Sonymen qatar A. Hasenova koronavırýstan keıin qandaı naýqastar ońaltýmen qamtylatynyn aıtty.
