Qazaqstanda poshtany dronmen tasymaldaýdyń damý qarqyny qandaı
NUR-SULTAN. QazAqparat – «Qazposhta» AQ atqarýshy dırektory Dáýren Turysbekov dronmen júk tasymaldaý baǵytyn damytý jóninde túsinik berdi, dep habarlaıdy QazAqparat tilshisi.
«Úsh jyl buryn biz shalǵaı eldi mekenderge poshtany dronmen jetkizýdi bastadyq. Atalǵan jobany iske asyrý jalǵasýda. Degenmen bul joba kóktem men kúz aralyǵyn iske asyrylady. Qalǵan kezeńde (qys mezgilinde kólikpen) kúndelikti logıstıkalyq baǵdarmen jetkiziledi», - dedi D. Turysbekov Parlament Senaty Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysynda.
Onyń sózine qaraǵanda, atalǵan qyzmetti aýtsorsıngtik kompanııa atqarady. «Qazposhta» kompanııasymen olar shartqa otyrǵannan keıin, tıisti qyzmetti júzege asyrady. Negizinen, bul qyzmet Jambyl, Qyzylorda jáne Túrkistan oblystarynda kórsetilip keledi.
«Dron hattar men gazetterdi tasymaldaıdy. Atalǵan qyzmetti kórsetý jalǵasa beredi, sebebi joba aıtarlyqtaı jaqsy qarqynmen iske asyrylýda. Bizge shalǵaı eldi mekenderge poshtany dron arqyly tasymaldaý tıimdirek. Sondyqtan qyzmettiń osy túri keńeıtiledi», - dedi «Qazposhta» ókili.
