Qazaqstanda poshta tasymalynda drondardyń úlesi qandaı

ASTANA. QazAqparat - 2018 jyly dronmen júk tasymaldaý 10 esege artty. Bul týraly Astanada baspasóz máslıhatynda «Qazposhta» AQ basqarma tóraǵasy Sáken Sársenov málim etti, dep habarlaıdy QazAqparat tilshisi.

«2017 jyly shalǵaıdaǵy eldi mekenderge hattardy, gazetterdi ushqyshsyz kólik túrimen jetkizý týraly jarııalaǵan bolatynbyz. Bul joba ótken jyly tabysty túrdi iske asyryldy. Eger de 2017 jyly dron kómegimen 1 150 keli gazet pen jýrnal tasymaldap, 460 saǵatta 16 myń shaqyrym jer eńserildi. Al 2018 jyly bul kórsetkishti 10 esege arttyrdyq», - dedi S. Sársenov.
Onyń sózine qaraǵanda, ótken jyly drondar kómegimen 11 000 keli merzimdik bysylym tasymaldandy. Bul joba Almaty, Jambyl, Qaraǵandy, Túrkistan, Shyǵys Qazaqstan, Qostanaı oblystaryndaǵy 150 eldi mekendi qamtıdy. 4 kelige deıin júk kótere alatyn 20 dron iske qosyldy.
Budan buryn habarlanǵandaı, ótken jyly «Qazposhta» AQ-nyń kiristeri 11 paıyzǵa artty. Byltyr klıentterge 18,6 mln sálemdeme jetkizilgen, olardyń 4,7 mln ishki naryqqa tıesili.