Qazaqstanda polıomıelıt boıynsha epıdemıologııalyq jaǵdaı turaqty
ASTANA. Mamyrdyń 5-i. QazAqparat /Ernur Aqanbaı/ - Qazaqstanda polıomıelıt boıynsha epıdemıologııalyq jaǵdaı turaqty, balalardy ımmýndaýmen qamtý 2009 jyly 98,6 paıyzdy qurady.
Bul týraly qazAqparat QR Densaýlyq saqtaý mınıstrliginiń baspasóz qyzmetine silteme jasap habarlaıdy.
«Qazirgi kezde QR Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti janynan respýblıkaǵa polıomıelıt aýrýy jaǵdaılarynyń ákelinýi men taralýyn boldyrmaý boıynsha is-sharalardy úılestirý jónindegi jumys toby quryldy. Jumys tobynyń quramyna Dúnıejúzilik densaýlyq saqtaý uıymynyń jáne ıÝNISEF-tiń eldik keńseleriniń qyzmetkerleri engizildi», delingen baspasóz qyzmetiniń málimetinde.
Baspasóz qyzmetiniń habarlaǵanyndaı, 2010 jylǵy sáýirdiń 26-da jumys tobynyń birinshi otyrysy ótkizilip, Qazaqstannyń aýmaǵyna jabaıy polıovırýstyń ákeliný jaǵdaıyna is-áreket jospary ázirlendi.
«QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń tóraǵasy Komıtettiń aýmaqtyq bólimshelerine eldegi jiti enjar paralıchke (JEP) epıdemıologııalyq qadaǵalaý sharalaryn kúsheıtý týraly tapsyrma berdi. Jumys toby Qazaqstandaǵy jiti enjar paralıchke, sondaı-aq jabaıy polıovırýstan bolǵan JEP jaǵdaıy tirkelgen elderde týyndap otyrǵan epıdemıologııalyq jaǵdaıǵa apta saıynǵy epıdemıologııalyq monıtorıng júrgizýde. Polıomelıtke qarsy egilgen balalar anyqtalýda, bul dertke qarsy egilmegen balalar anyqtalǵan jaǵdaıda, olar profılaktıkalyq egýmen qamtylatyn bolady», delingen taratylǵan habarlamada.
Aıta keteıik, Dúnıejúzilik densaýlyq saqtaý uıymy 2002 jyldan bastap Qazaqstandy polıomıelıt aýrýy taralmaǵan aýmaq dep jarııalaǵan bolatyn.
