Qazaqstanda polıetılen paketterge tyıym salynbaq

ASTANA. QazAqparat - Qazaqstanda polıetılen paketterden jasandy talshyq shyǵarýdy jolǵa qoıý kerek. Bul týraly búgin elordada halyqqa esep berý kezdesýi barysynda QR Energetıka mınıstri Qanat Bozymbaev aıtty, dep habarlaıdy QazAqparat tilshisi.

«Túbinde polıetılen paketterge tyıym salamyz dep oılaımyn. Óıtkeni, polıetılen paketterge, qorshaǵan ortany qorǵaýǵa qatysty problema bar jáne ol barynsha kúrdeli. Qaıta óńdeý áli talapqa saı emes. Kórshi Ózbekstanda sharalar qabyldanyp jatyr. Biraq, bizdiń ekonomıkamyz birden alyp tyıym salýǵa áli daıyn emes. Biz tyıym salý sharalaryna barmaımyz, birneshe kezeńge bólip tastaımyz», - dedi mınıstr.

Onyń aıtýynsha, eń aldymen mundaı paketterdi tegin berý toqtatylady. ıAǵnı, adamdar atalǵan paketterge aqsha tóleýi tıis.

«Odan keıin qaptamamen aınalysatyn jergilikti ónerkásiptiń damýyna baılanysty qaıtalama shıkizattan jasandy talshyq shyǵaryp qalýymyz yqtımal. Mine, sol kezde atalǵan polıetılen paketterdi yǵystyramyz dep aıtýǵa bolady. Qoqysty bólip jınaýdy engizýge baǵyttalǵan jumysymyz óz nátıjesin berýde. Elimizdiń, elordamyzdyń mádenı deńgeıiniń artchyn desek qalalarda ushyp júrgen paketterden arylýymyz kerek», - dedi Qanat Bozymbaev.