Qazaqstanda polıtsııanyń ýchaskelik pýnkteri jańa tártipte salynady

NUR-SULTAN. QazAqparat - Jyl saıyn elimiz aýmaǵynda polıtsııanyń 78 ýchaskelik pýnktin salý eskerilgen. Bul týraly QR ІІM Ákimshilik polıtsııa komıtetiniń tóraǵasy Murat Baımuqashev aıtty, dep habarlaıdy QazAqparat tilshisi.

«Aldaǵy bes jyl merzimde ár jyl saıyn polıtsııanyń 78 ýchaskelik pýnktin salý eskerilgen. Mınıstr óńir ákimderimen tıisti memorandýmdardy bekitti. Sonymen birge, ýchaskelik pýnkterdiń ornalasýyna erekshe mán bireledi. Qazirgi kezde tek qalalarda ýchaskelik jumys oryndarynyń 30 paıyzy qyzmet kórsetetin ýchaskeden alshaq ornalasqan», - dedi komıtet basshysy Ortalyq kommýnıkatsııalar qyzmetinde.

Onyń aıtýynsha, bul ýchaskelerdiń 2 shaqyrym nemese odan da alys jerde ornalasatyny kezdesedi. Osynyń saldarynan turǵyndar ýchaskelik ınspektorǵa bara bermeıdi. Sondyqtan ýchaskelik ınspektorlardyń ornalasý ornyn qyzmet kórsetetin aýmaqqa barynsha jaqyndatý máselesi pysyqtalyp jatyr.

Budan buryn habarlanǵandaı, Murat Baımuqashev ýchaskelik polıtsııa jumysynyń tıimdiligin arttyrý jospary týraly aıtty.

Ýchaskelik ınspektorlar is-qımylynyń arnaıy algorıtmi ázirlendi.

2022 jyldan ýchaskelik ınspektordyń jalaqysy taǵy 30 paıyzǵa, al kómekshileriniń jalaqysy 7 paıyzǵa artady.