Qazaqstanda polıtsııanyń modýldik beketteri ornatylyp jatyr

NUR-SULTAN. QazAqparat –Senattaǵy Úkimet saǵatynda Іshki ister mınıstri Erlan Turǵymbaev Ákimshilik polıtsııa komıtetindegi qaıta qurý jumystary týraly aıtty, dep habarlaıdy QazAqparat tilshisi.

Osy oraıda ol komıtet kúzet qyzmeti baǵytynda kúzet ári qadaǵalaý fýnktsııasynan bosatylǵanyn atap ótti. Negizgi jumys quqyq buzýshylyqtyń aldyn alýǵa, qoǵamdyq tártipti qorǵaýǵa jáne joldaǵy qaýipsizdikti qamtamasyz etýge baǵyttaldy.

Sonymen qatar polıtsııanyń qoǵamdyq oryndarda turaqty bolýy qadamdary iske asyrylyp jatyr.

«Damyǵan elder tájirıbesi boıynsha (Japonııa, Ońtústik Koreıa, Sıngapýr) zamanaýı modýldik polıtsııa beketteri ornatylyp jatyr. Ol jerde qyzmetti atqarý men azamattardy qabyldaý úshin qajetti jaǵdaı jasalǵan. Qazirgi kezde óńirlerde osyndaı 50 beket jumys istep tur», - dedi E. Turǵymbaev.

Osy oraıda ol taǵy da mundaı 170 beketti ornatý josparlanyp otyrǵanyn atap ótti.