Qazaqstanda polıtsııadan boı tasalap júrgender kimder

ASTANA. QazAqparat – Qazaqstanda adam kóptegen sebeppen izdeýde bolýy múmkin. Olardyń qatarynda zań talabyn oryndaýdan jaltarǵan, alıment tólemegender, habar-osharsyz ketkender jáne basqalary bar, dep habarlaıdy QazAqparat tilshisi.

Ranking.kz málimetine qaraǵanda, osy sanattardyń árqaısysy boıynsha quqyq qorǵaý organdary jyl saıyn egjeı-tegjeıli statıstıkalyq málimet usynady.

Máselen, 2021 jyly barlyǵy 21 myńnan astam adam izdeýde boldy.

Al izdeýdegi adamdardyń eń kóp taraǵan úsh sanaty — sottan, tergeýshi men prokýrordan jasyrynǵandar, qaryzyn tólemeıtinder jáne alıment tólemeıtinder.

Birinshi sanatqa keletin bolsaq, 2017 jyldan 2022 jyldyń qyrkúıegine deıin Qazaqstanda jyl saıyn 7,1 myńǵa jýyq adam izdeýde bolǵan.

Olardyń ustalý yqtımaldyǵy - 54,7 paıyz.

Іzdeýdegi adamdardyń ekinshi sanaty — atqarýshylyq is júrgizýdegi boryshkerler.

2018 jyldan beri Іshki ister mınıstrligi jyl saıyn 4,9 myńǵa jýyq boryshkerge izdeý jarııalaıdy.

Úshinshi sanat - alıment tóleýden jaltarǵandar. Quqyq qorǵaý organdary jyl saıyn orta eseppen 3,5 myń adamdy izdestiredi.