Qazaqstanda polıtsııa qataryndaǵy úzdik arý tańdalyp jatyr
ASTANA. QazAqparat - Qazaqstanda eń sulý polıtseı qyz-kelinshekti anyqtaıtyn foto-baıqaý ótkizilýde, dep habarlaıdy QazAqparat QR ІІM baspasóz qyzmetine silteme jasap.
Іshki ister organdarynyń medıa ortalyǵy Halyqaralyq áıelder kúni qarsańynda «Polıtsııa arýy» foto-baıqaýyn ótkizýdi dástúrge aınaldyrǵan. Bul baıqaýǵa elimizdiń ár óńirinde polıtsııa qatarynda qyzmet atqaryp jatqan arýlar qatysady.
«Baıqaýdyń basty ereksheligi - tek qatysýshylardyń syrtqy túrin baǵalaý emes, sonymen birge pogon taqqan áıelderdiń ishki álemin, olardyń kásibı biliktiligi jáne jaýapkershiligin de jan-jaqty sarapqa salý. Mundaı baıqaýlar polıtseı-arýlardyń jańa qyrynan tanylýyna múmkindik beredi», - deıdi ІІM Memlekettik til jáne aqparat departamentiniń dırektory Almas Sadýbaev.
Sondaı-aq, baıqaý qyzmettik boryshyn adal atqaryp júrgen polıtsııa qyzmetkerleriniń bedeli men mártebesin artýyna, sonymen birge otbasylyq qundylyqtardyń nyǵaıýyna yqpal etedi.
Úmitker polıtseılerdi medıa ortalyqtyń saıtynda jáne Instagramdaǵy akkaýntynda daýys berýge bolady. Nátıjesinde 6 úmitker tańdalady. Solardyń ishinen redaktsııalyq keńestiń sheshimi boıynsha «Polıtsııa arýy» anyqtalady. Jeńimpazdy 8 naýryz qarsańynda QR Іshki ister mınıstr arnaıy quttyqtaıdy.
