Qazaqstanda polıtseıler qandaı sebeppen jıi jumystan shyǵarylady
ASTANA. QazAqparat - Aǵymdaǵy jyldyń basynan beri el azamattarynyń ótinishi boıynsha 4 polıtsııa qyzmetkeri qyzmetinen ketti. Bul týraly búgin Úkimet úıinde «100 naqty qadam» Ult josparynyń iske asyrylý barysyna arnalǵan baspasóz máslıhatynda QR Іshki ister vıtse-mınıstri Erlan Turǵymbaev málim etti, dep habarlaıdy QazAqparat.
Onyń aıtýynsha, QR Іshki ister mınıstrligi janyndaǵy qoǵamdyq keńes azamattardyń ótinishterin, onyń ishinde qyzmetkerlerdiń ádep is-áreketine qatysty shaǵymdaryn qaraıdy. Aǵymdaǵy jyldyń basynan beri keńeske 21 ótinish tússe, onyń ekeýi qyzmetkerlerdiń jalpy qabyldanǵan júris-turys erejesin buzý máselesine qatysty boldy.
«Mundaı jaıt óńirlerde de qalyptasqan. Іshki ister departamenti janyndaǵy konsýltatıvtik-keńesý oryndary polıtsııa qyzmetkerlerine qatysty 20 ótinishti qarady. Qaraý nátıjesinde 12 laýazymdy tulǵa tártiptik jazaǵa tartylyp, 4 qyzmetker ishki ister organdarynan shyǵaryldy», - dedi Turǵymbaev.
Vıtse-mınıstrdiń sózine qaraǵanda, quqyq qorǵaý organdarynyń qyzmetkerlerine qatysty azamattardyń shaǵymdary men aryzdaryn qaraý bóligindegi jumystar qatańdatylady.
«Qyzmet babyn teris paıdalaný, bıligin asyra qoldaný jáne dórekilik - bul bizge túsetin shaǵymdardyń negizgi úsh krıterııi», - dedi ol.
