Qazaqstanda polıtseıler izdeýde júrgen 150 qylmyskerdi ustady

NUR-SULTAN. QazAqparat – Polıtseıler izdeýde júrgen 150 qylmyskerdi ustady. Bul týraly QR Іshki ister mınıstrliginiń resmı ókili Nurdildá Oraz aıtty, dep habarlaıdy QazAqparat tilshisi.

Resmı ókil jeti kúndik «Quqyqtyq tártip» jedel aldyn alý is-sharasy aıaqtalǵanyn jetkizdi.

«Osy oraıda atalǵan merzimde «izin sýytpaı» 2 330 qylmys, sondaı-aq erterekte jasalǵan 584 qylmystyń beti ashyldy. Іzdeýde bolǵan 150 qylmysker ustaldy», - dedi Nurdildá Oraz aptalyq onlaın brıfıngide.

Onyń aıtýynsha, tyıym salynǵan zattar men qarý-jaraqty anyqtaý boıynsha jedel izdestirý is-sharasy ótkizildi.

Budan buryn habarlanǵandaı, bir apta ishinde el aýmaǵynda 3 012 qylmys tirkeldi, onyń 2 040-y táýlik ishinde ashyldy.