Qazaqstanda plastık qaldyqtardyń qansha paıyzy qaıta óńdeledi
NUR-SULTAN. QazAqparat – Qazaqstanda plastık bótelkeler men plastık oramalardy qaıta óńdeý jolǵa qoıylyp keledi. Bul týraly «Turaqty damýǵa járdemdesý» ortalyǵynyń jobalar jónindegi menedjeri ıÝlııa Dýshkına aıtty, dep habarlaıdy QazAqparat tilshisi.
«Túrli plastık ónimder óndirisiniń kólemi artyp keledi. UNEP málimetterine sáıkes, 500 mlrd tonna plastık paketter qoqysqa tastalady jáne mınýt saıyn 1 mln plastık bótelke satyp alynady eken. Ókinishke oraı, osynaý ónimniń aıtarlyqtaı bóligi birinshi ret paıdalanylǵannan keıin qoqysqa ketedi. Alaıda, plastık óte qundy ári qaıtalama shıkizat sanalady. Sondyqtan qaıtadan shıkizat, jańa ónim alý úshin, qorshaǵan ortaǵa zııan kólemin tómendetý úshin ony kádege jaratýymyz qajet», - dedi ol plastık qaldyqtaryn jınaý jáne qaıta óńdeý taqyrybyna arnalǵan dóńgelek ústel otyrysy barysynda.
Onyń dereginshe, elimizde de plastık qaldyqtar óte kóp. Máselen, tek 2018 jyldyń ózinde ǵana shamamen 480 myń tonna plastık qaldyqtary jınalǵan. Al «Operator ROP» JShS málimetterine sáıkes, 2016 jyly elimizde jınalǵan plastık qaldyqtardyń salmaǵy 283 myń tonnany quraǵan.
«Bul rette 2017 jyly elimizde jınalǵan plastık qaldyqtardyń shamamen 6 tonnasy nemese jalpy kólemniń 2 paıyzy ǵana óńdelgen. Al 2018 jyly qaıta óńdelgen plastık kólemi 9 myń tonnany nemese 3 paıyzdy qurady. Bul tómen kórsetkish jáne plastık pen plastık qaptamalardy shyǵarýshylardan bastap barlyq tarap ony qaıta kádege jaratýǵa múddeli bolýy tıis», - dedi ıÝ.Dýshkına.
Aıta keterligi, 2018 jyly Qazaqstan aýmaǵynda 4,3 mln tonna turmystyq qatty qaldyq jınalǵan. Onyń 11,2 paıyzy nemese 481 myń tonnadan astamyn plastık qaldyqtar quraıdy.
