Qazaqstanda planshet pen noýtbýk baǵasy qansha
Qazaqstannyń iri qalalarynda ortasha segmenttegi planshet pen noýtbýk baǵasynda aıyrmashylyq bar. Kazinform agenttiginiń tilshisi uqsas úlgini salystyryp, olardyń baǵasyn bildi.
Bólshek saýda men saýda ortalyqtaryndaǵy baǵany baǵamdap, oqý men jumysqa qajetti tehnıkalardyń qaı qalada arzan, qaı óńirde qymbat ekenin bilýge bolady. Shyn máninde logıstıka men tańdaý baǵaǵa óz áserin tıgizip tur. Oqý men jumysqa qajetti Xiaomi, Huawei, Samsung markaly planshetterin, ASUS, Lenovo, Acer noýtbýkterin qaı óńirde tıimdi baǵaǵa satyp alýǵa bolatynyn baǵamdadyq.
Elimiz boıynsha Kókshetaý qalasynda planshet baǵasy tómen. Munda Samsung, Xiaomi jáne Huawei modelindegi tehnıkanyń baǵasy 70-105 myń teńge aralyǵynda. Sonymen birge 125–160 myń teńgege múmkindigi sál joǵary planshetti satyp alýǵa bolady. Al ekrany úlken, aksessýary mol tehnıka baǵasy 300-340 myń teńgege deıin barady. Bul qalada Acer, ASUS jáne Lenovo modelindegi noýtbýkterdiń baǵasy 145-220 myń teńge aralyǵynda. Ryzen 7 jáne Core i5–i7protsessory bar keńse noýtbýgi 300-390 myń teńgege satylyp jatyr. Kókshetaýda oıynǵa arnalǵan qurylǵysy bar tehnıka quny 700 myń teńgeden bastalyp, 1,1 mln teńgege deıin barady.
Oral qalasynda da suranysy joǵary, qoljetimdi planshettiń baǵasy 70-150 myń teńge aralyǵynda. Bul Samsung pen Huawei planshetteriniń eń qarapaıym úlgisine qoıylǵan baǵa. Kóbine ortasha segmenttiń (Xiaomi, Samsung) baǵasy 100–150 aralyǵynda dep bekitilgen. Xiaomi planshetiniń baǵasy 150–230 myń teńge aralyǵynda. Sondaı-aq óńirde oqý men jumysqa yńǵaıly ASUS, Lenovo jáne Acer noýtbýkteriniń baǵasy — 180-300 myń teńge. Tutynýshylar úshin quny 250–350 teńge bolatyn tehnıka da usynylǵan. Alaıda oǵan suranys az. Sonymen birge baǵasy 400 myń teńgeden bastalatyn modelderi de bar.
Aqtóbelikter Xiaomi planshetin 83 myń teńgege de satyp ala alady. Al Huawei planshetiniń baǵasy — 180–340 myń teńge. Samsung tehnıkasynyń qarapaıym ǵana modeli 65 myń teńge bolsa, onyń quny 350 myń teńgege deıin jetedi. Keıbiriniń baǵasy 600 myń teńge bolyp tur. Aqtóbedegi saýda ortalyǵynda ASUS noýtbýginiń baǵasy 290 myń teńgeden bastalyp, ortasha segmentiniń quny 465 teńgege jetti. Sonymen birge qýaty kúshti tehnıkanyń baǵasy 800 myń teńgege deıin barady. Lenovo-nyń ortasha baǵasy 250-320 myń teńge aralyǵynda. Al Acer modeliniń arzanyn 139 myń teńgege, ortasha qýattylyǵyn 330 myń teńge, jady men syıymdylyǵy joǵarysyn 500 000 teńgege satyp alýǵa bolady.
Aqtaýda Huawei, Samsung jáne Xiaomi planshetteriniń ortasha quny shamamen 89-95 myń teńge aralyǵynda. Bul Huawei MatePad SE 11 (6/128 GB) jáne Samsung Galaxy Tab A11 tehnıkasynyń quny. Sonymen birge Xiaomi planshetiniń Redmi Pad jeli de kópshilik úshin qoljetimdi. ASUS, Lenovo jáne Acer noýtbýkteriniń qarapaıym túrin 150-200 myń teńge satyp alýǵa bolady. Qýaty myqtysynyń baǵasy — 400–600 myń teńge jáne odan joǵary.
Pavlodarda Xiaomi planshetiniń ortasha baǵasy 92 myń, al Huawei men Samsung baǵasy 90-95 myń teńgeden bastalady. Brend pen jınaǵyna qaraı bul óńirdegi planshet baǵasy 500-750 myń teńgege deıin jetedi. Al ASUS, Lenovo jáne Acer noýtbýkteriniń ortasha baǵasy 160–220 myń teńge. Sonymen birge jady men syıymdylyǵyna qaraı 270–580 teńge bolatyn tehnıka da usynylady. ASUS jáne Lenovo noýtbýkteriniń baǵasy tipti 1,1–1,8 mln teńgege deıin jetedi.
Tarazda da jumysqa qajetti tehnıka quny osy shamalas. Xiaomi planshetiniń baǵasy kóbine 90-110 myń teńge aralyǵynda bolyp tur. Sonymen birge jetildirilgen nusqasyn 150-200 myń teńgege satyp alýǵa bolady. Saýda oryndarynda Huawei planshetiniń baǵasy — 150–180 myń teńge aralyǵynda. Samsung planshetiniń quny 90 myń teńgeden bastalady. Kóbine adamdar 120-140 myń teńgeniń tehnıkasyn alady. Óńirde noýtbýk baǵasy 130 myń teńgeden bastalady. Lenovo, Acer, ASUS modelderiniń baǵasy orta eseppen — 165-250 myń teńge.
Óskemen men Semeıde Xiaomi, Huawei jáne Samsung planshetteriniń baǵasy 90–230 myń teńge aralyǵynda. ASUS, Lenovo jáne Acer noýtbýkteriniń quny — 220-400 myń teńge. Oqý men keńse jumysyna yńǵaılysynyń baǵasy — 260–340 myń teńge aralyǵynda.
Atyraýda Huawei planshetiniń baǵasy 90 myń teńge, Xiaomi-diń baǵasy 150 myń teńge, al Samsung planshetiniń quny 95 myń teńgeden bastalady. Óńirde ASUS modeliniń baǵasy 215 myń teńge, Acer quny 160 myń teńge jáne odan joǵary. Munda Lenovo noýtbýgi sırek kezdesedi. Onyń baǵasy 200 myń teńgeden bastalady.
Qyzylordada qarapaıym planshet baǵasy 110-120 myń teńge bolsa, ári qaraı 200-300 myń teńgege deıin kóterile beredi. Al noýtbýk baǵasyna keler bolsaq Acer Aspire Lite planshetiniń quny 159 990 teńgeden bastalyp, ortashasynyń baǵasy (ASUS Vivobook Go, Lenovo IdeaPad 3) 229 990–339 990 teńgege deıin jetedi. Qýatty ári oıynǵa arnalǵan noýtbýk baǵasy 1,1 mln teńge jáne odan joǵary.
Petropavlda suranysqa ıe Acer, ASUS jáne Lenovo noýtbýkteriniń baǵasy 170-250 myń teńge aralyǵynda. Sonymen birge múmkindigi ortasha tehnıkany 350-380 myń teńgege satyp alýǵa bolady. Sáıkesinshe oıynǵa yńǵaılysynyń baǵasy 550-760 myń teńge jáne odan joǵary. Planshetterdiń (Xiaomi, Huawei, Samsung) arzanyn 95 myń teńgege satady. Qýattylyǵy ortashasynyń quny — 120-160 myń teńge aralyǵynda. Al premıým qurylǵylar quny 500 myń teńgeden joǵary.
Qostanaıda Xiaomi, Huawei jáne Samsung planshetteriniń eń ótimdisi 135-210 myń teńge bolsa, eń arzany — 130-150 teńge. Jady joǵary jáne jıyntyqqa pernetaqtasy qosylsa tehnıka quny 200 myń teńge jáne odan joǵary bolady. ASUS, Lenovo jáne Acer noýtbýkteriniń oqý men jumysqa arnalǵan nusqasynyń baǵasy 290 myń teńgeden bastalyp, 380 myń teńgege jetti.
Qaraǵandyda planshet te, noýtbýk te kóp. Munda kez kelgen adam qaltasyna qaraı tańdaý jasaı alady. Samsung planshetteriniń baǵasy 70 myńnan bastalyp, 700 myń teńgege deıingi jetedi. Al eń tıimdisi ári suranysy joǵarysy — 135-350 myń teńge aralyǵynda. Huawei planshetteri negizinen 150-350 myń teńgege satylyp jatyr. Eń tıimdisiniń baǵasy — 200 myń teńge. Xiaomi qurylǵylarynyń baǵasy qoljetimdi. Óńirdegi baǵa 80 myńnan bastalyp, 130 myń teńgege deıin jetti. ASUS noýtbýginiń quny 190 myńnan bastalyp, 2,7 mln teńgege deıin barady. Tutynýshylar kóbine 560 myń teńgeniń orgtehnıkasyn satyp alǵandy jón kóredi. Lenovo noýtbýkteriniń baǵasy 220 myń teńgeden bastalyp, 3,1 mln teńgege deıin kóteriledi. Kóbine baǵasy 550-600 myń teńgeniń noýtbýgi suranysqa ıe. Acer-diń baǵasy 150 myń teńgeden bastalyp, 750 myń teńgege deıingi jetti. Munda da kópshilik 450-550 myń teńgeniń tehnıkasyn alady.
Jezqazǵanda baǵa sál joǵary. Samsung planshetteri kóbinese 150-385 myń teńgege, Huawei 220 myń teńgege, Xiaomi 90-145 myń teńgege satylady. Noýtbýkter arasynda ASUS modelderi úlken suranysqa ıe. Baǵasy 209 myń teńgeden bastalady. Al Lenovo-nyń quny 242 myń teńgeden bastalady. Acer noýtbýkterin adamdar 165-825 myń teńge satyp alady.
Shymkentte ASUS noýtbýgi 210-260 myń teńgege, Lenovo 180-240 myń teńgege, Acer 170-220 myń teńgege satylady. Xiaomi planshetteriniń baǵasy 110 myń teńgeden bastalsa, Huawei 140 myń teńge bolyp tur. Samsung plansheti — 160 myń teńge. Al kópshilik tehnıkany 150-210 myń teńge satyp alǵandy jón kóredi. Huawei planshetteriniń baǵasy jad kólemine qaraı 519 myń teńgeden bastalady. Al Samsung Galaxy Tab S10 Ultra-ny shamamen 600 myń teńgege satyp alýǵa bolady. Noýtbýkter arasynda oıyn jáne ónimdiligi joǵary nusqasyn da qarastyra alasyz. Lenovo shamamen 640 myń, Acer 740 myń, al ASUS 750 myń teńgege deıin barady.
Túrkistanda Huawei planshetteriniń baǵasy 119 890-199 890 teńge, Xiaomi quny 149 990-199 990 teńge aralyǵynda. Al Samsung-tiń bazalyq modelderiniń quny 94 890 teńgeden 229 890 teńgege deıin. Túrkistannyń saýda ortalyqtarynda ASUS noýtbýkteri — 229 990-399 990 teńge, Lenovo — 339 990-499 990 teńge, al Acer — 239 990-339 990 teńge.
Taldyqorǵan dúkenderinde kúndelikti paıdalanýǵa qajetti Xiaomi, Huawei jáne Samsung planshetteri 120-230 myń teńgege satylady. Xiaomi modelderi kóbine 130-160 myń teńgege, Huawei planshetteri jad kólemi men jınaqtalýyna qaraı 170-220 myń teńgege baǵalanady. Al Samsung 120-140 myń teńgege jáne jańartylǵan modelderi 220-230 myń teńgege satylyp jatyr. ASUS, Lenovo jáne Acer markaly noýtbýktiń ortasha baǵasy 230-380 myń teńge aralyǵynda. Onyń ishinde Acer jáne Lenovo-nyń eń qarapaıymy nusqasy — 180-230 myń teńge. Al ASUS, Lenovo jáne Acer-niń SSD men jedel jady ulǵaıtylǵan bolsa, quny 280-350 myń teńge aralyǵynda dep baǵalanady.
Elimizdiń iri qalalarynda baǵa joǵary. Astanada Xiaomi, Huawei jáne Samsung planshetteriniń ortasha baǵasy — 150-230 myń teńge aralyǵynda. Al arzany 150-170 myń teńgege baǵalanady. Jady ulǵaıtylǵany, LTE/5G qoldaýy jáne qosymsha aksessýarlary bar nusqasynyń quny 220-230 myń teńgege deıin jetedi. Oqý men jumysqa qajetti ASUS, Lenovo jáne Acer noýtbýkteri 320-420 myń teńgege satylyp jatyr.
Almatylyqtar kúndelikti qoldanatyn Xiaomi, Huawei jáne Samsung planshetterin 150-260 myń teńgege satyp ala alady. Onyń ishinde Xiaomi men Samsung-tiń bazalyq modelderi 150-170 myń teńge dep baǵalanǵan. Al Huawei planshetteri, jady ulǵaıtylǵan jáne LTE/5G ustaıtyn Samsung jelileriniń baǵasy 230-260 myń teńgege deıin jetti. ASUS, Lenovo jáne Acer noýtbýkteriniń ortasha baǵasy 330-450 myń teńge aralyǵynda. Qonaev qalasynda da baǵa osy shamalas.
Buǵan deıin Kazinform Qazaqstan qalalarynda pedıatr qabyldaýynyń quny qansha ekenin jazǵan bolatyn.