Qazaqstanda plagıattyqqa urynǵan ǵalymnyń aty-jóni búkil elge jarııa etilýi múmkin
ASTANA. QazAqparat - Qazaqstanda plagıattyqqa urynǵan ǵalymnyń aty-jóni búkil elge jarııa etilýi múmkin. Bul týraly búgin «Memlekettik ǵylymı-tehnıkalyq saraptama ulttyq ortalyǵy» AQ-nyń prezıdenti Asanbaı Jumabekov aıtty.
«Óte bedeldi jarııalanymdardyń teń avtory bolyp tabylatyn birneshe qazaqstandyq ǵalym bar. Al plagıattyqqa urynǵan ǵalymdy anyqtap, dáleldeý ári aıyp taǵý úshin zańnamalyq baza qajet», - dedi ol.
Ortalyq basshysynyń atap ótýinshe, qazirgi ýaqytta elimizdiń Bilim jáne ǵylym mınıstrligine qarasty komıtetpen birlesip, plagıattyqty anyqtaý baǵytyndaǵy jumystar qolǵa alyna bastaǵan.
«Jalpy, plagıattyq sotqa deıin baratyn is. Álemdik tájirıbede bul másele retteledi. Eger etıkalyq máselelerde buzýshylyq oryn alyp, bireýdiń ǵylymı eńbegine qııanat jasalatyn bolsa, onda ol adamnyń aty-jóni búkil elge jarııa bolady. Halyqaralyq tájirıbede mundaı adam jumysynan aıyrylyp, ǵylymı jobalarǵa qatysý quqynan aıyrylady. ıAǵnı, ǵylymı mansap jolyn aıaqtaıdy. Al bul ǵalym úshin naǵyz jaza», - dedi A.Jumabekov.
