Qazaqstanda pııaz baǵasy sońǵy aıda shamamen 12 % ósken

NUR-SULTAN. QazAqparat – Úkimette azyq-túlik baǵasyn turaqtandyrýǵa qatysty ótken jıynda Premer-Mınıstr Álıhan Smaıylov pııaz baǵasynyń ósýin synǵa aldy, dep habarlaıdy QazAqparat.

Sońǵy aıda pııaz baǵasy orta eseppen 11,9%-ǵa ósti. Bir aıda Batys Qazaqstan, Jetisý, Túrkistan oblystarynda jáne Almaty qalasynda baǵanyń eń joǵary ósýi tirkelgen.

«Áriptester, qantpen bolǵan jaǵdaıdyń obektıvti syrtqy sebepteri bolsa, pııaz boıynsha jaǵdaı – júrgizilgen jumystyń shalalyǵynyń nátıjesi. Ákimdikterdiń barlyq múmkindikteri boldy, olardyń qatarynda astyqty jetkizý boıynsha ýaqytyly kelisimsharttar jasasý tetigi bar. Óńirler ákimderine ony turaqtandyrý qorlaryn tolyqtyrý úshin belsendi túrde paıdalanýdy tapsyramyn. Osy máselede ár jumysty ýaqytyly oryndaý mańyzdy ekenin atap ótkim keledi», — dedi Álıhan Smaıylov.