Qazaqstanda pyshaq salmaı, máıitti kompıýterlik skanerleý arqyly tekserý ádisi engizilmek
Keler jyldan bastap Qazaqstanda máıitti zertteý úshin vırtýaldy aýtopsııa engizilýi múmkin. ıAǵnı, qaıtys bolǵan adamnyń denesine tilik jasamaı, kompıýterlik skanerleý arqyly tekseredi. Muny Ádilet mınıstrliginiń sot saraptama ortalyǵy basshysynyń orynbasary Nazgúl Imanbaeva aıtty, dep habarlaıdy Kazinform.
«Vırtýaldy aýtopsııa – arnaıy apparattyń kómegimen, 3D baǵdarlama arqyly marqumnyń denesin skanerleý. ıAǵnı, mundaı ádisti qoldanǵan kezde máıitti tilip, onyń ishki aǵzalaryn alyp zertteýdi qajet etpeıdi. Ol zorlyq, qasaqana óltirilgen belgileri bar marqumdarǵa qoldanylmaıdy. Ol óz óliminen nemese qandaı da bir dertten kóz jumǵandar úshin qajet. Vırtýaldy aýtopsııany paıdalanatyn shet memleketter de sırek. Mundaı ádis Ulybrıtanııada qoldanylady», - dedi Nazgúl Imanbaeva Kazinform tilshisiniń saýalyna jaýap bere otyryp.
Onyń aıtýynsha, qazir Ádilet mınıstrligi osyndaı ádis arqyly máıitti zertteý múmkindikterin qarastyryp, máseleni pysyqtap jatyr.
«Bul biz úshin óte jaqsy bolar edi. Sot-medıtsınalyq saraptama jumysynda qıyndyqtar týyndap turady. Atap aıtqanda dinı kózqarasyna baılanysty kóbi máıitti kesip, onyń ishki aǵzalaryn zertteýge qarsylyq bildiredi. Mundaı jaǵdaıda olar aryz jazyp, onyń ólimine ne sebep bolýy múmkin ekenin dáleldep, marqumnyń denesin alyp ketýge quqyly. Al qaıtys bolǵan adamda zorlyq-zombylyq belgileri bolsa, onda oǵan týystarynyń ruqsatynsyz sot-medıtsınalyq saraptamasy jasalady. Vırtýaldy aýtopsııany engizý – bul máseleni sheshýge kómektesedi», - deıdi Nazgúl Imanbaeva.
Ortalyq basshysynyń orynbasary atap ótkendeı, vırtýaldy aýtopsııa jasaıtyn apparat qymbat turady. Ony satyp alý úshin qazir qarajat kózderi izdestirilip jatyr.
«Eger barlyǵy biz oılaǵandaı bolyp jatsa jáne osy ádisti engizý úshin qajetti quraldardy tapsaq, onda onymen keler jyldan bastap jumys isteýge tyrysamyz degen úmit bar», - dedi ol.
Nazgúl Imanbaevanyń dereginshe, vırtýaldy aýtopsııa apparattaryn ornalastyrý úshin arnaıy keshen qajet. Sonymen birge onymen jumys isteı alatyn mamandardy oqytý qajet.