Qazaqstanda PIK jumysshylarynyń tek 20 paıyzynda ǵana beıindi bilim bar

ASTANA. 19 sáýir. QazAqparat - Respýblıkada páter ıeleri kooperatıviniń (PIK) jumysshylarynyń arasynda tek qyzmetkerlerdiń 20% ǵana beıindi bilim alǵandar, dep habarlady búgin «Jasyl» ekonomıkaǵa úles retinde kommýnaldyq jylýmen jabdyqtaýdyń energııa tıimdiligin arttyrý» halyqaralyq konferentsııasynda Astana qalasyndaǵy PIK Qaýymdastyǵynyń prezıdenti Mızambek Kenjebaev Rrimeminister.kz saıtyna bergen suhbatynda.

«Kompanııalarǵa kadrlardy tartý qajet. PIK basqarý kompanııasynda ınjener-jylý beretinder bolýy tıis, ol servıstik kompanııalardyń jasaǵan jumystarynyń sapasyn jáne ózi tehnologııalyq jobasyn anyqtaı alady... Búginde bizde búkil Qazaqstan boıynsha PIK qyzmetkerleriniń 20 paıyzynda ǵana kommýnaldyq qyzmet boıynsha beıindi bilim bar, Astanada da solaı», - dedi M.Kenjebaev.

Sonymen qatar, ol PIK-in basqarýshy jáne servıstik kompanııalarǵa bólý týraly sóz qozǵalmaıtynyn, sebebi aldymen qanatqaqty jobany júzege asyrý úshin normatıvtik baza qurý qajettigin atap ótti.

Budan ózge, kommýnaldyq kompanııalardy ońtaılandyrý úshin zań shyǵarý bazasyn jasaý kerek.

Sonymen qatar, qaýymdastyqtyń basshysy PIK sapasy men tıimdiligine qatysty jumys sheńberinde jumys isteı almaıtyn tıimdi emes kompanııalardy jańa sapaly deńgeıge shyǵarý úshin ońtaılandyrýmen qamtý qajettigin aıtty.

Qaýymdastyqtyń málimeti boıynsha búgingi tańda Qazaqstanda shamamen 5 myń PIK bar, al Astanada 300.