Qazaqstanda penıtentsıarlyq júıeniń úzdik qyzmetkerleri tańdaldy (FOTO)
ASTANA. QazAqparat - Qazaqstannyń penıtentsıarlyq júıesi qyzmetkerleriniń arasynda «Úzdik maman» ataǵyna baıqaý uıymdastyryldy, dep habarlady QR ІІM qylmystyq-atqarý komıtetiniń baspasóz qyzmetinen.
Sharanyń negizgi maqsaty - penıtentsıarlyq júıe qyzmetkerleriniń kásibıligin arttyrý. Baıqaýǵa qatysýshylardy fızıkalyq normatıvter tapsyrý, qoıan-qoltyq urys, tabeldik qarýdy jınaý jáne bólshekteý, memlekettik tildi, zańnamany bilý nátıjeleri jáne zardap shegýshige alǵashqy medıtsınalyq kómek kórsetý daǵdylary boıynsha baǵalady.
Sonymen, QAJ Aqmola oblysy boıynsha departamentinde ETs 166/23 qyzmetkeri jeńimpaz bolyp tanyldy. Ol tapsyrmalardy jeńil ári jyldam oryndady. QAJ Pavlodar oblysy boıynsha departamentinde birinshi oryn men mamandyǵy boıynsha úzdik ataǵyn AP-162/3 túzeý mekemesiniń ádilet aǵa leıtenanty Asyltan Jabaǵın aldy.
QAJ Atyraý oblysy boıynsha departamentinde «Úzdik ınspektor» baıqaýy ótti. Onda Probatsııa qyzmetiniń ádilet aǵa leıtenanty Anar Jaqsymanova jeńimpaz atandy.
