Qazaqstanda penıtentsıarlyq júıeniń 6 mekemesi jumysyn toqtatty

ASTANA. QazAqparat - Qazaqstannyń penıtsentıarly júıesinde alty mekeme óz jumysyn toqtatty. Bul týraly QR ІІM Qylmystyq-atqarý júıe (QAJ) Komıtetiniń baspasóz qyzmeti habarlady.

Sottalýshylar sanynyń aıtarlyqtaı qysqarýyna baılanysty (sońǵy 5 jylda 30% azaıǵan), ІІM bastamasymen jáne QR Úkimetiniń Qaýlysymen QAJ Komıtetiniń alty mekemesi: Shyǵys Qazaqstan oblysyndaǵy eki mekeme jáne Aqtóbe, Atyraý, Qaraǵandy ​​jáne Mańǵystaý oblystarynda bir-bir mekemeden jabyldy», - dep atap ótti respýblıkalyq penıtentsıarlyq júıe mekemesi.

QAJ Komıtetiniń túsindirýinshe, barlyq jabylǵan mekemeler 50-60-shy jyldary salynǵan baraq tárizdi, onyń ústine olardy jóndeý jumystary kólemdi qarajatty qajet etedi jáne olar halyqaralyq talaptarǵa saı kelmeıdi.

«Al bıylǵy maýsym aıynda oblys ortalyǵynan shalǵaı ornalasqan (Qaraǵandydan 380 shaqyrym) Qaraǵandy oblysy Qarajal qalasyndaǵy QAJ mekemesi joıylǵan edi», - dep tolyqtyrdy QAJ Komıteti.