Qazaqstanda paıdaly qazbalardyń qansha ken orny tirkeldi
NUR-SULTAN. QazAqparat - Qazirgi kezde Qazaqstannyń memlekettik balansynda 8 myńǵa jýyq ken orny esepke qoıyldy. Bul týraly QR Indýstrııa jáne ınfraqurylymdyq damý vıtse-mınıstri Tımýr Toqtabaev aıtty, dep habarlaıdy QazAqparat tilshisi.
«27 jyldyń ishinde memleket balansyna alǵash ret kómirsýtek shıkizatynyń 133 ken orny, sondaı-aq altyn, tústi jáne qara metall jáne basqa da paıdaly qazbalardyń 200-den astam ken oryn qory alynady. Barlanǵan qorlardyń bazasynda 10-nan astam zamanaýı taý-ken metallýrgııalyq óndirister iske qosyldy», - dedi vıtse-mınıstr.
Sonymen qatar ol Táýelsizdik jyldarynda birqatar iri ken oryndaryn ıgerý jumystary bastalǵanyn eske saldy.
«Búginde memlekettik balanspen 8 myńǵa tarta ken orny esepke alynda», - dep naqtylady T. Toqtabaev.
Vıtse-mınıstr álemde shıkizat resýrstaryn tutyný men óndirýdiń qarqyndy ósýi jaǵdaıynda geologııadaǵy damytý men jańǵyrtý máseleleriniń ózektiligi artyp otyrǵannyn atap ótti.
Budan buryn habarlanǵandaı, búgin elordada Geolog kúnine oraı saltanatty is-shara ótip, salanyń úzdik mamandary marapattaldy.
