Qazaqstanda paıdalanylmaı jatqan jer salyǵy 10-15 esege artatyn bolady
«Aldaǵy ýaqytta paıdalanylmaı jatqan aýyl sharýashylyǵy maqsatyndaǵy jerlerdiń salyǵyn 10-15 esege kóterý josparlanyp otyr. Qazirgi kezde biryńǵaı» jer salyǵy qoldanysta. Máselen, aýdandaǵy bir gektar jer 15 myń teńge bolsa, kelesisinde ol 30 myń teńgeni quraýy múmkin. Bul rette salyq bir gektar jer qunynyń 0,1 paıyzyn quraıdy», dedi ol QR AShM Іskerlik keńesiniń agroónerkásip kesheni sýbektilerine salyq salý máselesine arnalǵan jıyny barysynda.
Al QR AShM jaýapty hatshysy Arman Evneevtiń sózine qaraǵanda, qoldanystaǵy zańnama aıasynda salyq salmaǵyn saqtaý maqsatynda aýyl sharýashylyǵy taýarlaryn óndirýshiler men sharýa qojalyqtaryn qorshaǵan orta emıssııasyn tóleýden bosatý kózdelýde.
«Sonymen qatar qosymsha jeńildikteri bar jalpy bekitilgen rejim engizý qarastyrylýda. Atap aıtqanda, jaldanǵan jumysshylar boıynsha eńbekaqy tólemi qory somasyna salyq salý kirisin eki ese azaıtý, áleýmettik salyqty 11 paıyzdan 6,5 paıyzǵa tómendetý, aýyl sharýashylyǵyna paıdalanylatyn kólikter men múlikterdi salyqtan bosatý jáne qorshaǵan orta emıssııasyn tóleýden bosatý qarastyrylady», dedi A.Evneev.