Qazaqstanda paıdalanýsyz jatqan 3 mln. gektardan astam aýylsharýashylyq jeri anyqtaldy
ASTANA. 30 qazan. QazAqparat - Elimizde 3 mln. gektardan astam aýylsharýashylyq jeri maqsatty paıdalanylmaı otyr.
Bul týraly búgin Úkimettiń selektorlyq rejımdegi otyrysynda QR Jer resýrstaryn basqarý agenttiginiń tóraǵasy Qadyrhan Otarov aıtty.
Onyń atap ótýinshe, agenttik óńirlerdegi ókiletti organdardy qatystyrý arqyly 3 jyldyq kezeńde oryndalýy qarastyrylǵan jalpy kólemi 90 mln. gektar aýyl sharýashylyǵy maqsatyndaǵy jerlerdiń 30 mln. gektaryna túgendeý jumystaryn júrgizdi.
«Aǵymdaǵy túgendeý barysynda kólemi 3 mln. gektardan asatyn 7 myń paıdalanylmaǵan aýyl sharýashylyǵy maqsatyndaǵy jer ýchaskeleri, onyń ishinde 400 myń gektarǵa jýyq egistik jerleri anyqtaldy»,-dedi ol.
Q. Otarovtyń alǵa tartqan málimetterine qaraǵanda, sharýashylyq sýbektileri 470 myń gektar jerdi egistik retinde artyq paıdalanýda.
«Bul jaǵdaı keıbir jer paıdalanýshylardyń yqylasyn aqıqatqa sanaǵysy kelip, óndiristik kórsetkishterin jasandy jaqsartý maqsatynda jasalyp otyr»,-dedi agenttik basshysy.
