Qazaqstanda paıdalanýǵa berilgenine 70 jyldan asyp ketken sý qoımalary bar

ASTANA. QazAqparat – Qazaqstandaǵy sý qoımalarynyń qoldaný merzimi ótip ketken. Zań boıynsha 25 jylǵa beriledi, alaıda elimizde paıdalanýǵa berilgenine 70 jyldan asqan sý qoımasy bar bolyp shyqty, dep habarlaıdy QazAqparat tilshisi.

«Jalpy sý qoımalary 25 jylǵa deıin paıdalanylady Biraq, elimizdegi sý qoımalaryna 25 jyldan asyp ketken. Olardyń arasynda 50-70 jyl boıy qoldanylyp kele jatqan qoımalar bar. Degenmen jyl saıyn basseın ınspektsııasy, Tótenshe jaǵdaılar mınıstrligi jáne jergilikti atqarýshy organdarmen birlesip sý qoımalarynyń jaǵdaıy tekseriledi. Qaýip, kúmán týyndaǵan jaǵdaıda arnaıy sertıfıkaty bar mekemeni tartyp, istiń mán-jaıy anyqtalady, olar bizge qorytyndy beredi»,- dedi QR Ekologııa jáne tabıǵı resýrstar mınıstrligi sý resýrstary komıteti tóraǵasynyń mindetin atqarýshy Dosbol Bekmaǵambetov «Qazgıdromet» mekemesinde ótken baspasóz máslıhatynda.

Onyń aıtýynsha, odan ári másele mınıstrlik deńgeıinde qaralyp, qajet jaǵdaıda bıýdjetten qosymsha qarjy suralady.

Buǵan deıin Ekologııa mınıstrliginiń ókili Astana sý qoımasynda sý qory tapshylyǵy qalaı sheshiletinin aıtqan edi.