Qazaqstanda paıdalanýǵa beriletin kóptegen bıik ǵımarattardyń órtke qarsy jaǵdaıy qanaǵattanarlyq emes - konferentsııa
ASTANA. Qarashanyń 24-i. QazAqparat /Quralaı Orynbekqyzy/ - Tekserister kórsetkendeı, Qazaqstanda paıdalanýǵa beriletin kóptegen bıik ǵımarattardyń órtke qarsy jaǵdaıy qanaǵattanarlyq emes.
Bul týraly «Bıik nysandardyń qaýipsizdigi» ІІ halyqaralyq konferentsııa barysynda QR Tótenshe jaǵdaılar mınıstrligi Memlekettik órtti baqylaý basqarmasynyń bastyǵy Aleksandr Kýznetsov aıtty, dep habarlaıdy QazAqparat tilshisi.
A.Kýznetsovtyń sózine qaraǵanda, Qazaqstanda 10 qabattan asatyn 486 bıik ǵımarat bar. Olardyń kóbisi Almaty, Astana, Oral jáne Qaraǵandy qalalarynda boı kótergen. Basqarma bastyǵy sóz oraıynda ákimshilik jáne qoǵamdyq ǵımarattarda talap etiletin órt qaýipsizdigi deńgeıi birazdan beri saqtalyp kele jatqandyǵyn da atap ótti.
