Qazaqstanda páter baǵasy 12 paıyzǵa arzandady
ASTANA. 26 qyrkúıek. QazAqparat - 2012 jyldyń toǵyz aıynda Qazaqstanda baspana baǵasy 12,11 paıyzǵa tómendedi.
Bul týraly KazRıelt-Nedvıjımost portalyna silteme jasap, Kapital.kz iskerlik resýrsy habarlady.
Qyrkúıek aıynda páterdiń ortasha baǵasy bir sharshy metri úshin 216,7 myń teńgeni qurady. Eski úılerdiń quny 13 paıyzdan astamǵa arzandady. Al jańadan salynǵan úıler, kerisinshe, 2012 jyldyń qyrkúıeginen bastap 4,5 paıyzǵa qymbattaı tústi.
Sońǵy toǵyz aıda jekemenshik turǵyn úıler 0,9 paıyzǵa arzandady. Al jer telimi baǵada 20,4 paıyz joǵaltty. Qyrkúıekte jeke turǵyn úı, baqsha salýǵa jáne aýyl sharýashylyǵyn júrgizýge arnalǵan on sotyq jer 867,3 myń teńge turdy.
Sáıkesinshe 27 jáne 6,8 paıyzǵa jalǵa beriletin bir bólmeli jáne eki bólmeli páterlerdiń quny tómendedi. Qyrkúıek aıynda Qazaqstan boıynsha ol aıyna 79 myń teńge jáne 119 myń teńgeni qurady.
