Qazaqstanda patentpen jumys jasaıtyndarǵa salyq jeńildigi bolýy múmkin

ALMATY. QazAqparat - Búgin Almatyda ótken semınar barysynda mamandar Jańa Salyq kodeksiniń normalaryn túsindirdi, dep habarlaıdy QazAqparat tilshisi.

Jıynǵa QR Ulttyq ekonomıka mınıstrliginiń, QR Qarjy mınıstrliginiń Memlekettik kirister departamentiniń, Qazaqstan salyq tóleýshiler qaýymdastyǵynyń ókilderi qatysty.

Jańa Salyq kodeksiniń jobasy boıynsha patentpen jumys jasaıtyn kásipkerlerge arnaıy salyq rejımin  jasaý kózdelgen. Máselen mundaı kásipkerlerge salynatyn salyq  2%-dan 1%-ǵa azaıdy.

Sonymen qatar, jańa zańnama boıynsha talap qoıý merzimi 3 jyldan asqan jaǵdaıda salyqtyq qýdalaýdy toqtatý usynylyp otyr.

Sonymen qatar, 30 adamǵa jumys berip otyrǵan nemese jartyjyldyq aınalymy 2044 AEK aspaıtyn jeke kásipkerler men zańdy tulǵalarǵa jeńildetilgen deklaratsııa negizinde arnaıy salyqtyq rejım jasaý usynyldy.