Qazaqstanda parnıktik gazdardy satý kvotalaryna baǵa belgileý naryq shartymen bırjada júzege asady
ASTANA. 3 shilde. QazAqparat - Parnıktik gazdardy satý boıynsha kvotalarǵa baǵa belgileý naryqtyq sharttarmen saýda bırjasynda júzege asady. Bul týraly Primeminister.kz saıtyna bergen suhbatynda «Jasyl Damý» AQ basshysy Sergeı Tsoı habarlady.
Kompanııa basshysynyń aıtýynsha, kvota satýda mańyzdy faktor - bul baǵa belgileý. «Degenmen, bárin bırja saýdasy kórsetedi, ol saýda bırjasyndaǵy aýktsıondar arqyly optsıondyq satý ádisimen ótkiziledi. Sonda básekeles kúreste kásiporyndar kvotalarǵa ońtaıly baǵany belgileı alady», - dedi S.Tsoı. Sarapshynyń aıtýynsha, bul sheshim naryqta alypsatarlyq kórinister paıda bolmas úshin qabyldanǵan. Máselen, alypsatarlyqqa jol bermes úshin naryqqa óz betinshe kvotanyń baǵasyn belgileýge múmkindik beriledi. Biraq halyqaralyq sarapshylardyń baǵalaýy boıynsha bir shartty tonnanyń baǵasy 10 dollardan kem bolsa, júıe jetkilikti tıimdi bolmaıdy. «Sondyqtan biz retteýshi retinde bastapqy baǵany bekitý úshin sharalar qoldanamyz. ıAǵnı, biz saýdaǵa 10 dollar baǵamen kvotalar qoıamyz, sosyn kásiporyndar baǵa konıýnktýrasyna baılanysty tómendetý jaǵyna, nemese arttyrý jaǵyna qaraı retteı alady», - dep túsindiredi S.Tsoı. Sonymen qatar, ol baǵa normatıvtik aktimen bekitilmeıtinin, bul ádisti naryqtyń ózi qalyptastyrý kerektigin alǵa tartady. Onyń sózine qaraǵanda, naryqtan ekonomıkalyq áser bolatyny kóbirek kútiledi. Óıtkeni saýdanyń bastalýy jáne osy júıeni engizý esebinen «jasyl» ınvestıtsııalar artady.
«Parnıktik gazdardy satýdy shekteý júıesin engize otyryp, biz álemdik naryqtarǵa shyǵý úshin ónerkásibimizge taǵy bir múmkindik beremiz. Eger bul júıe Qazaqstanda jumys isteıtin bolsa, osy shyǵarylymdar eskeriledi, kásiporyndar parnıktik gazdar shyǵarýdy shektese, onda olardyń ónimderi bul júıe engizilmegen elderde óndirilgenderge qaraǵanda básekege qabilettilik boıynsha joǵary deńgeıge kóteriledi», - dedi kompanııa basshysy.
Jalpy, «Jasyl Damý» AQ dırektorynyń málimetinshe kásiporyndarǵa qos qyshqyldy kómirtektiń shamamen 147 mln tonnasyna kvotalar beriledi. «Bizdiń oıymyzsha, alǵashqy bırjadaǵy saýda 2014-2015 jyldary shamamen 10%-dy nemese 14-15 mln tonnany qamtıdy. Olardy satyp alyp, satýǵa bolady», - dedi S.Tsoı.
