Qazaqstanda parnık gazdarynyń shyǵaryndylary úshin kvota saýdasynyń Ulttyq júıesi qalyptasty

  Bul týraly búgin Parlament Májilisinde «Kıoto hattamasyn Qazaqstanda júzege asyrý mehanızmderi» taqyrybynda ótken konferentsııa barysynda QR Qorshaǵan ortany qorǵaý mınıstri Nurlan Qapparov  málim etti.

«Qazaqstan parnıktik gazdardyń shyǵaryndylaryn retteý men shekteý qajettigine baılanysty ózine tolyq jaýapkershilikti sezinedi. Osyny eskere otyryp, bizdiń mınıstrlik parnıktik gazdarǵa ishki saýda kvotalary júıesin qurý jónindegi belsendi jumysty jalǵastyryp keledi. Bizdiń oıymyzsha, shyǵaryndylardy shekteý men kvotalardy saýdalaýdyń ulttyq júıesi - Qazaqstannyń «jasyl ekonomıkaǵa» kóshý strategııasyndaǵy mańyzdy bólikterdiń biri», - dedi mınıstr N. Qapparov. Mınıstrdiń aıtýynsha, osy baǵytta búgingi tańda qajetti zańnamalyq túzetýler men zańǵa táýeldi aktilerdiń bári qabyldanǵan. Bunymen qosa, parnıkti gazdar shyǵaryndylary úshin salyq tólemderi júıesin engizý týraly da sheshim qabyldandy.