Qazaqstanda parlamenttik saılaý týraly aqparattyq saıt iske qosyldy
ASTANA. QazAqparat - Qaznet keńistiginde merziminen buryn Parlament Májilisi jáne máslıhattar depýtattary saılaýyna arnalǵan election2016.kz aqparattyq saıty iske qosyldy.
Bul saıt búgin Ortalyq kommýnıkatsııalar qyzmetindegi brıfıng barysynda tanystyryldy.
Atalǵan veb-resýrsta Májilis depýtattary saılaýyna ózderiniń kandıdattaryn usynǵan saıası partııalar týraly barsha aqparat, saılaý naýqany jańalyqtary, áleýmettik saýalnamalar blogy usynylǵan. Aqparat pen jańalyqtardy saıası partııalar bóliminde kórýge bolady.
«Saıt qyzmeti aldaǵy saılaýǵa qatysty barlyq aqparattyq oqıǵalar men talqylaýlardy bir jerge jınaqtaýǵa negizdelgen. Qazirgi kezde jańalyqtardyń kóbisin bizdiń áriptesterden taralýda, alaıda veb-resýrsqa kez kelgen nıet bildirýshi jańalyǵyn jibere alady»,-dedi atalǵan saıtty qurastyrýshylardyń biri Baýyrjan Sadıev.
Sonymen qatar, búginde áleýmettik jelilerde saılaýdy talqylaý #sailau2016 heshtegi boıynsha júrip jatyr. Munymen qosa resýrsta Youtube-de óziniń beıne-kanaly bar, onda saılaýǵa qatysty beıne materıaldar jınaqtalady.
