Qazaqstanda parlamentarızmdi qalyptastyrýdaǵy Elbasynyń róli arnaıy konferentsııada talqylanady
ASTANA. 27 qarasha. QazAqparat - 28 qarashada Májiliste «Qazaqstan Respýblıkasynyń Tuńǵysh Prezıdenti Elbasy N.Á. Nazarbaevtyń Qazaqstanda parlamentarızmniń qalyptasýyndaǵy róli» atty konferentsııa ótedi.
Bul týraly Májilistiń baspasóz qyzmetinen habarlandy.
Atalǵan shara Tuńǵysh Prezıdent kúnine oraılastyrylyp otyr. Osynaý ókiletti forýmǵa belgili saıasatkerler, depýtattar, qoǵam qaıratkerleri qatysady. Osy únqatysý alańynda Qazaqstan Prezıdenti Nursultan Nazarbaevtyń elimizdiń zań shyǵarý organynyń qalyptasýy men jetilýi jolyndaǵy erekshe eńbegi jaıynda talqylanady, pikirler aıtylady.
