Qazaqstanda parasport boıynsha jańa eki federatsııa quryldy
⠀NUR-SULTAN. QazAqparat – Qazaqstan Respýblıkasynyń Paralımpıada komıteti jańadan qurylǵan eki federatsııany sporttyq federatsııalar retinde tanydy, dep habarlaıdy QazAqparat.
«QR Paralımpıada komıteti jazǵy paralımpıadalyq emes sport túri «parakarateden» sport federatsııasy retinde «Parakarate federatsııasy» respýblıkalyq qoǵamdyq birlestigin jáne jazǵy paralımpıadalyq sport túri «para atýdan» (oq atý) sport federatsııasy retinde «Qazaqstandyq sporttyq atý federatsııasy» qoǵamdyq birlestigin moıyndady.
Sporttyq federatsııa maquldaýǵa ıe bolǵannan keıin óz sport túrine Ulttyq paralımpıada komıtetinde ókildik etedi.
Sonymen qatar sertıfıkat sport federatsııalaryna memlekettik akkredıtatsııany alýǵa jáne óz sport túrlerin respýblıkalyq federatsııa retinde damytýǵa múmkindik beredi», - delingen Paralımpıada komıtetiniń aqparatynda.
⠀
