Qazaqstanda parahokkeıdiń bolashaǵy qandaı – Ashat Oralov Sýrdlımpıada komıtetiniń ókilderimen kezdesti
«Azamattardy qabyldaý ótkizip, qoldaýymyzdy qajet etetin máselelerdi, usynys-tilekter men bastamalardy tyńdadym. Brazılııadaǵy Sýrdlımpıadanyń altyn medalin jeńip alǵan dzıýdoshy Erkebulan Qanafınmen kezdestim. Keıbir túsinispeýshilikke baılanysty chempıonymyzdyń jeńisi onyń keıingi isimen baılanysty kóleńkede qalyp qoıǵany ókinishti»,-dep jazdy mınıstr Telegram paraqshasynda.
Sportshymen jáne Sýrdlımpıada komıtetiniń ókilderimen kezdesip, bárin kózbe-kóz talqylaǵanymyz paıdaly boldy. Kezdesý qorytyndysy boıynsha mundaı jaǵdaılardyń qaıtalanýyn boldyrmaý úshin osy máselege baılanysty jumys tobyn qurýdy sheshtim.
Sondaı-aq, qabyldaý kezinde eldegi parahokkeıdiń damýyna qatysty da máseleler kóterildi. Atap aıtqanda, elimizde osy sport túrinen álem chempıonatyn ótkizý. Kásipkerler men parahokkeı Federatsııasynyń ókilderi týrnır ótkizýge arnalǵan alań qajet ekenin aıtty.
«Men bul máseleni baqylaýyma aldym. Mádenıet jáne sport mınıstrligi uıymdastyrýshylarǵa qoldaý kórsetýge, onyń ishinde aqparattyq qoldaý kórsetýge daıyn»,-deıdi Ashat Oralov.
