Qazaqstanda pallıatıvtik kómek 2014 jyldan bastap belsendi túrde damıdy
ASTANA. 11 maýsym. QazAqparat - Qazaqstanda pallıatıvtik kómek 2014 jyldan bastap belsendi túrde damıdy. Bul týraly búgin QR Parlamenti Májilisiniń Áleýmettik-mádenı damý komıtetiniń otyrysynda QR Densaýlyq saqtaý vıtse-mınıstri Bolat Tókejanov málim etti. Eske salsaq, Darıǵa Nazarbaevanyń jetekshiligimen ótken otyrysta Qazaqstandaǵy pallıatıvtik kómek máseleleri talqylanǵan bolatyn.
Vıtse-mınıstr sóz arasynda Qazaqstanda búgingi tańda pallıatıvtik kómek kórsetý ózekti bolyp otyrǵanyn atap ótti. Onyń aıtýynsha, «Salamatty Qazaqstan» baǵdarlamasy aıasynda 2014-2015 jyldary bul máselege jan-jaqty kóńil bólinetin bolady.
«Bul jumystar 2012 jyly qabyldanǵan onkologııalyq kómekti damytý baǵdarlamasynyń aıasynda júzege asady. Biz 2016 jylǵa deıin osy baǵytta kezeń-kezeńimen tıisti jumystardy atqaratyn bolamyz. Al osy baǵytta nátıjeli jumysqa qol jetkizý úshin jergilikti atqarýshy organdar da barynsha belsendi bolyp, keń aýqymdy sharadan tys qalmaýy kerek. Óıtkeni, Densaýlyq saqtaý mınıstrligi negizinen atalmysh kómekke qatysty ulttyq standarttardy ázirlep, engizedi. Qalǵan jumystyń basym bóligi jergilikti atqarýshy bılikke túsedi», - deıdi vıtse-mınıstr.
