Qazaqstanda ózin-ózi jumyspen qamtyǵandardy tirkeýdiń elektrondy júıesi engiziledi
«Elektrondy eńbek bırjasy bazasynda habarlandyrý tártibimen kirisi eń tómengi jalaqydan kem ózin-ózi jumyspen qamtyǵandardy tirkeýdiń elektrondy júıesin qurý josparlanyp otyr», - dedi Eńbek mınıstri.
Onyń túsindirýinshe, tirkeý týraly aqparattar QR Qarjy mınıstrligine qarasty Memlekettik kirister komıtetiniń aqparattyq júıesinde kórinip turatyn bolady.
«Tolyqtaı alǵanda, eńbek bırjasynda tirkelgen ózin-ózi jumyspen qamtýshylar men jasalǵan eńbek kelisimsharttary týraly málimetter jeke tulǵalardyń memlekettik bazasyna túsedi jáne bul azamattyń áleýmettik mártebesin avtomatty túrde berýdi qamtamasyz etip, turaqty túrde ózektendirip otyrýǵa jaǵdaı jasaıdy. Bul jaǵdaıda, Baqytjan Ábdiruly, biz jyl saıyn júzege asyrylatyn árbir otbasynyń úıin aralap, olardyń mártebesin anyqtaý ádisinen arylatyn bolamyz», - dedi Tamara Dúısenova Úkimet basshysy Baqytjan Saǵyntaevqa qarata.