Qazaqstanda ózin-ózi basqarý uıymdarynyń úlgileri tanystyryldy
Búgingi dóńgelek ústelde múddeli memlekettik organdar men bıznes ókilderi ózin-ózi basqarý uıymdaryn qurý prıntsıpteri men memlekettik fýnktsııalardy básekelestik ortaǵa berý tásilderin talqylady.
«Biz halyqaralyq tájirıbelerdi muqııat zerttedik jáne shet elderdegi ózin-ózi retteý ınstıtýtynyń sál ózgeshe damyǵanyn, belgili bir kezeńderden ótkenin jaqsy túsinemiz. Ózge memleketterde ózin-ózi retteý barlyq salalarda jolǵa qoıylǵan», - dep atap ótti «Atameken» UKP basqarýshy dırektory zańnama jáne ózin-ózi retteý departamentiniń dırektory Aıjan Bıjanova.
Sondaı-aq, A.Bıjanova ózin-ózi retteý uıymynyń negizgi eki túri baryn basa aıtty.
«Ózin-ózi retteýdiń tolyq jáne jartylaı dep atalatyn negizgi eki túri bar. Tolyq ózin-ózi retteýde memlekettik baqylaý atymen joq, al jartylaı ózin-ózi retteý úlgisinde ózin-ózi basqarý uıymdary kásipkerlerdi qadaǵalaıdy, al memleket uıymdardy baqylap otyrady, qajet bolǵan jaǵdaıda tekseredi. Bizdiń ekonomıkaǵa ekinshi úlgi saı keledi. Dál osy úlgi ózin-ózi retteý týraly zańǵa negizdelgen», - dep túsindirdi ol.
Jańa talapqa sáıkes, ózin-ózi retteý uıymdary qoǵamdyq uıymǵa aınalady jáne barlyq kásipkerlik sýbektileri ózi tirkelgen uıymǵa tolyq aqparat jiberip otyrýǵa mindetteledi. Demek, ózin-ózi retteý uıymdary ózderi naryqqa engizgen kásipkerlik úshin barlyq jaýapkershilikti moıyndaryna alady, óz múshesiniń abyroı-bedeli, qaýipsizdigi úshin jaýap beredi. Tutynýshy tarapynan aryz-shaǵym tússe de, eń aldymen ózin-ózi retteý uıymy shara qoldanatyn bolady. Mamandar bul arqyly taýar óndirýshiler arasyndaǵy sapa men básekege qabilettilik kóteriledi dep boljap otyr. ıAǵnı, bir ýaqytta tutynýshylardyń da quqyqtary qorǵalady, bıznes te retteledi.
Aıta keteıik, QR Prezıdenti «Ózin-ózi retteý týraly» zańǵa 2015 jyly 12 qarashada qol qoıdy.
