Qazaqstanda ózge ulttyń 93 myń balasy qazaq tilinde bilim alyp júr
ASTANA. 17 mamyr. QazAqparat - Búgingi tańda balabaqshalardyń 70 paıyzy memlekettik tilde bilim beredi.
Búgin Eýrazııa ulttyq ýnıversıtetinde ótip jatqan Qazaqstan Respýblıkasy fılologtarynyń I sezinde QR Bilim jáne ǵylym mınıstri Baqytjan Jumaǵulov osylaı aıtty.
Mınıstrdiń sózine qaraǵanda, 2000 jyly bul kórsetkish 25 paıyz bolǵan. «Qazir ol 70 paıyzǵa deıin ósip otyr. Qazaq tildi balabaqshalarda barlyq balalardyń 53 paıyzy bilim alady. Atap óter taǵy bir jáıt, ózge ult ókilderiniń 93 myń búldirshini qazaq tildi balabaqshalarǵa baryp júr», - deıdi B.Jumaǵulov. Táýelsizdik jyldary ishinde qazaq tildi mektepterdiń sany 1 myńǵa kóbeıip, 3819-ǵa deıin jetti. Onda barlyq oqýshylardyń 64,5 paıyzy bilim alady.
