Qazaqstanda ózara saqtandyrý jáne medıtsına qyzmetkerleriniń kásibı jaýapkershiligi ınstıtýty qurylady

Bul týraly búgin Úkimet otyrysynda QR Densaýlyq saqtaý mınıstri Salıdat Qaıyrbekova málim etti.

Onyń atap ótýinshe, atalǵan ınstıtýtty qurý Memleket basshysy N. Nazarbaevtyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty maqalasynda berilgen tapsyrmalaryn oryndaý aıasynda qolǵa alynbaq.

«Memleket basshysy densaýlyq saqtaý salasyna, naqty aıtqanda, 2013 jyldyń 1 shildesine deıin, eger medıtsına qyzmetkeri tarapynan salaqtyqpen nemese júrdim-bardym qaraý bolmasa, azamattyń densaýlyǵyna nuqsan keltirgeni  úshin dárigerlerdiń kásibı jaýapkershiligin mindetti túrde qamsyzdandyrýdy engizý jónindegi máseleni tapsyrǵan bolatyn», - dep eskertip ótti ol.

Adam ólimine ákeletin qıyn jaǵdaılardy bilikti obektıvti baǵalaý júıesin engizý qajettigin basa aıtqan mınıstr: «Barynsha tanymal álemdik tájirıbe men ózara saqtandyrý qoǵamyn qalyptastyrý tujyrymdamasyna negizdelgen ózara saqtandyrý jáne medıtsına qyzmetkerleriniń kásibı jaýapkershiligi ınstıtýtyn qurý qajet», - dedi.