Qazaqstanda óz kartoby jetkilikti - Kartop jáne kókónis ósirýshiler odaǵy

ASTANA. QazAqparat - Qazaqstanda kartop ósiretin sharýashylyqtar qarqyndy damyp keledi. Bul týraly búgin Ortalyq kommýnıkatsııalar qyzmetindegi baspasóz qyzmetinde Qazaqstannyń Kartop jáne kókónis ósirýshiler odaǵynyń tóraǵasy Qaırat Bısetaev málim etti.

«Qazaqstanda óziniń kartoby jetkilikti. Sonymen qatar búginde jumys istep turǵan sharýashylyqtardyń áleýeti qazirgi kezde ósirip otyrǵan kórsetkishten aıtarlyqtaı joǵary. ıAǵnı, biz naryqtaǵy suranyspen ǵana shektelip otyrmyz. Atap aıtqanda, bul turǵyda bizdiń múmkindikter aıtarlyqtaı joǵary. Bizdiń áleýet Qyrǵyzstan, Reseı tarapynan bolǵan joǵary básekelestikten tejelýde, degenmen de bizdiń sala damyp keledi. Biz tehnıkalyq jabdyqtalýda jaqsy qarqyndamyz, sondaı-aq kartop ósirýdegi álemdik talaptarǵa saı jumys isteýdemiz», - dedi ol.

Qaırat Bısetaevtyń sózine qaraǵanda, Qazaqstanda ósirilgen kartoptyń dámdik erekshelikteri joǵary jáne ekologııalyq turǵyda da taza ónim bolyp tabylady.

«Búginde fermerler kartopty uzaq ýaqyt saqtaýdy úırendi, ıaǵnı maýsym aıyn qosa eseptegende, biz osy ýaqytqa deıin saqtaı alamyz. Osy rette sońǵy eki jylda baǵanyń aýytqýlaryna jol berilgen joq. Qazirgi kezde tıisti saqtaý tehnologııalary arqasynda kartop baǵasynyń kúrt ósýi oryn almady», - dedi ol.