Qazaqstanda oıyn bıznesi jáne lotereıa komıteti qurylady
ASTANA. KAZINFORM – Elimizde QR Týrızm jáne sport mınıstrligine qarasty Týrızm ındýstrııasy komıtetin qaıta qurýdy josparlap otyr. Tıisti qaýly «Ashyq NQA» portalynda jarııalandy.
«Qazaqstan Respýblıkasynyń Úkimeti QR Týrızm jáne sport mınıstrligi Týrızm ındýstrııasy komıtetiniń quramynan Týrızm jáne sport mınıstrligi Oıyn bıznesin jáne lotereıany retteý komıtetin bólý jolymen qaıta qurý týraly sheshim qabyldady», - delingen qujatta.
Qaýly jobasyn qabyldaý atalǵan komıtetke salalyq máselelerdi derbes jáne tıimdi sheshýge múmkindik beretini atap ótildi.
Esterińizge salsaq, buǵan deıin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine oıyn bıznesi, lotereıalar jáne lotereıa qyzmeti máseleleri boıynsha ózgerister men tolyqtyrýlar engizý týraly» Zańy ekinshi oqylymda qaralyp, qabyldanǵan bolatyn.
