Qazaqstanda ótkizilgen múlikke salynǵan tyıymdy alyp tastaý tártibi ózgerdi
27 maýsymda Qazaqstan Respýblıkasynyń Prezıdenti «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jáne qylmystyq zańnamany jetildirý máseleleri boıynsha ózgerister men tolyqtyrýlar engizý týraly» Zańǵa qol qoıdy.
«Boryshkerdiń múlkine ártúrli atqarýshylyq is júrgizý sheńberinde eki jáne odan da kóp sot oryndaýshylary tyıym salýy múmkin. Buryn mundaı jaǵdaılarda adal satyp alýshy árbir sot oryndaýshysyna óziniń tyıym salýlaryn alýy úshin júginýge týra keletin. Keıde sot oryndaýshylary bas tartyp, satyp alýshy sotqa júginýge májbúr bolatyn. Engizilgen jańa túzetýlerge sáıkes múlikti saýda-sattyqta ótkizgen sot oryndaýshysy osyndaı múlikten barlyq tyıym salýlardy, sonyń ishinde basqa sot oryndaýshylarynyń tyıym salýlaryn da joıýǵa mindetti» dep málim etti mınıstrlikten.
Aıta ketý kerek, tyıym salynǵan múlikti satý úshin Biryńǵaı elektrondyq saýda alańy arqyly 2020 jyldyń I jartyjyldyǵynda 25 495 676 920 teńge somasyna 1530 lot satyldy, al 2019 jyldyń osyndaı kezeńinde jalpy somasy 18 423 227 050 teńgeni quraıtyn 1415 lot satyldy.
Esterińizge sala keteıik, zań alǵash resmı jarııalanǵan kúninen keıin on kúntizbelik kún ótken soń 2020 jyldyń 8 shildesinde kúshine endi.
