Qazaqstanda ótken táýlik ishinde bolǵan órtterdiń saldarynan alty adam qaza tapty, onyń ekeýi bala - QR TJM

27 jeltoqsan kúni shamamen túngi saǵat 12-niń kezinde Astana qalasynyń jeke úıleriniń birinde bolǵan órt kezinde bir jáne úsh jasar eki bala qaza tapty. Eki jasar taǵy bir bala kómirqyshqyl gazyna ýlanyp, aýrýhanaǵa jetkizildi. Órtti kórshileri óshirdi.

Tańǵy bes kezinde Shyǵys Qazaqstan oblysynyń Lesnoe aýylynda da jeke turǵyn úı órtenip ketti. Oqıǵa ornyna oblystyq TJD órt sóndirý qyzmeti keldi. Jalpy aýmaǵy 40 sharshy metrdi sharshpyǵan órtti qutqarýshylar tek dúısenbi kúni tańǵy saǵat 10 kezinde ǵana aýyzdyqtaı aldy. Órt bolǵan jerde belgisiz adamnyń máıiti tabyldy, onyń aty-jóni anyqtalýda.

Qaraǵandy oblysynyń Temirtaý qalasynda 5 qabatty turǵyn úıdegi páterleriniń birinde 14 saǵat 17 mınýtta órt boldy. Órtti bir saǵattan keıin oblystyq TJD órt sóndirý qyzmeti óshirdi. Órt kezinde 33 jastaǵy azamat qaza tapty.

Qostanaı oblysynda Zatobol jáne Beskól aýyldyq okrýgterinde jeke turǵyn úılerdiń otqa oranýynyń eki faktisi tirkeldi. Eki oqıǵada da 33 jáne 55 jastaǵy eki azamat qaza tapty.