Qazaqstanda ótken blıts-shahmattan álem chempıonatynyń júlde qory qandaı boldy

ASTANA. QazAqparat – Ortalyq kommýnıkatsııalar qyzmetindegi brıfıngide Qazaqstan shahmat federatsııasynyń atqarýshy dırektory Gúlmıra Dáýletova Almatyda ótken blıts-shahmattan Álem chmpıonatynyń júlde qory týraly aıtty, dep habarlaıdy QazAqparat tilshisi.

«Bul jarystyń júlde qory qomaqty boldy. Ózderińiz biletindeı, qazaqstandyq shahmatshy Bıbisara Asaýbaeva ol saıysta chempıon atandy. Oǵan 40 myń dollar syıaqy berildi. Al erler arasynda chempıondyq ataq úshin 60 myń dollar tabystaldy. Sonymen qatar, álem chempıonatynda ekinshi oryn ıelengen Dınara Sadýaqasova 30 myń dollar syıaqy aldy. Jansaıa Ábdimálik te 5-oryn úshin gonorar aldy», - dedi dedi Gúlmıra Dáýletova.

Onyń sózinshe, keshe Qazaqstan shahmat federatsııasynyń sezdinde Jansaıa Ábdimálik, Bıbisara Asaýbaeva, Dınara Sadýaqasova jáne Rınat Jumabaevty joǵarǵy «Jeńis» ordenimen marapattalǵan.