Qazaqstanda ótken 8 aı ishindegi negizgi kapıtalǵa salynǵan ınvestıtsııa kólemi 3010,4 mlrd teńgeni qurady
ASTANA. 18 qyrkúıek. QazAqparat - Qazaqstanda 2012 jyldyń qańtar-tamyz aılaryndaǵy qysqa merzimdi ekonomıkalyq ındıkatordyń ósimi ótken jylǵy osy merzimmen salystyrǵanda 103,5 paıyzdy qurady.
Onyń ishinde ótken 8 aı ishindegi negizgi kapıtalǵa salynǵan ınvestıtsııa kólemi 3010,4 mlrd teńgeni qurap, 3,1 paıyzǵa artty, dep habarlady pm.kz saıty.
QR Statıstıka agenttiginiń málimetterine qaraǵanda, ústimizdegi jylǵy qańtar-tamyz aılaryndaǵy ónerkásip óndirisiniń kólemi 10687,9 mlrd teńgeni quraǵan, bul ótken jylǵy osy merzimmen salystyrǵanda 0,7 paıyzǵa kóp.
Taý-ken ónerkásibindegi jáne karerlerdegi óndiris byltyrǵy deńgeıde qaldy, óńdeý ónerkásibinde 1,4, elektrmen jabdyqtaýda, gaz berýde, býdy jáne aýany almastyrýda 5,4 paıyzǵa ósti. Sýmen jabdyqtaýda, káriz júıesinde, óndiris qaldyqtaryn jınap, taratýda 8,2 paıyzǵa tómendedi.
Sonymen qatar, jalpy ónim óndirý kólemi (qyzmet kórsetý) aýyl sharýashylyǵynda 794,4 mlrd teńgeni qurady, bul 2011 jylǵy qańtar-tamyz aılaryna qaraǵanda 0,3 paıyz az.
QR Statıstıka agenttiginiń aqpary boıynsha, 2012 jylǵy qańtar-tamyz aılaryndaǵy Qazaqstannnyń syrtqy saýda aınalymy 77982 mln AQSh dollary kóleminde belgilenip, 17 paıyz ósimdi kórsetken, onyń ishinde eksport - 54087,5 mln AQSh dollary, ımport - 23894,5 mln AQSh dollary.
20102 jylǵy 1 qyrkúıektegi jaǵdaıǵa qaraǵanda, tirkelgen zańdy tulǵalardyń sany 312902 birlikti qurap, ótken jylǵy osy merzimge qaraǵanda 5,7 paıyzǵa artqan. Óz kezeginde jumys istep turǵan zańdy tulǵalar sany - 171854, tirkelgen shaǵyn kásipkerlikter sýbektileriniń sany - 226647 birlik quraǵan, ósim 6,2 paıyz.
Jurtshylyqtyń jan basyna shaqqandaǵy aqshalaı kirisi osy jylǵy shildedegi baǵa boıynsha 51068 teńge bolǵan, 2011 jylǵy shildemen salystyrǵanda ósim nomınal boıynsha - 9,9, naqty aqsha kirisi boıynsha 5 paıyzdy quraıdy.
2012 jyly jumyskerlerge jazylǵan ortasha nomınaldy eńbek aqy 106620 teńge, 2011 jylǵy shildege qaraǵanda ósim - 14,7 paıyz.
Sonymen qatar, 2012 jylǵy tamyzdaǵy jumyssyzdar sany 467,8 myń adam bolǵan. Ekonomıkalyq belsendi halyq sanyna qaraǵanda jumyssyzdyq deńgeıi - 5,2 paıyz.
Halyqtyń ál-aýqatynyń udaıy ósý ústinde bolýy - QR Úkimetiniń basty maqsaty bolyp tabylady. Taıaýdaǵy bes jyl ishinde Qazaqstan tabysy joǵary elder qataryna kirýi qajet. 2016 jyly jan basyna shaqqandaǵy ІJÓ 15 myń AQSh dollarynan kem bolmaýy qajet.
