Qazaqstanda ótetin VII qysqy Azııa oıyndary kezinde Azııa oıyndary tarıhyndaǵy tuńǵysh eki iri shara uıymdastyrylady

Bul týraly búgin «VII qysqy Azııa oıyndary: daıyndyq deńgeıi jáne birlesken qımyldardyń basym baǵyttary» atty dóńgelek ústel otyrysynda «VII qysqy Azııa oıyndary men olımpıada alaýy estafetasyn uıymdastyrý jónindegi qalalyq dırektsııa» memlekettik kommýnaldyq qazynalyq kásipornynyń dırektory Naıl Nýrov málim etti, dep habarlaıdy QazAqparat.

Onyń sózine qaraǵanda, birinshi shara - «Mádenı Azıada», ekinshisi «Olımpıada alaýynyń estafetasy» dep atalady. «Mádenı Azıada bizdiń baı ulttyq dástúrlerimiz ben mádenı muralarymyzdy tanytatyn erekshe múmkindik. Biz osy shara arqyly elimizdi ózgelerge turaqty damyp kele jatqan memleket retinde kórsetip, Qazaqstandy álemdik qaýymdastyqtyń aldynda joǵary dárejege kótere alamyz. «Mádenı Azıada» 8 jeke jobalarǵa bólingen. Olar - «Músinder festıvali», «Saz ben bı festıvali», «Tsırk óneriniń festıvali», «Kórkemóner kórmesi», «Balalardyń sýretteri arasyndaǵy baıqaý», «Qazaqtardyń salt-dástúrleriniń festıvali», «Sporttyq taýarlar festıvali», «Kádesyılyq buıymdar festıvali», dedi dırektor.

N. Nurovtyń aıtýynsha, «Mádenı Azıada» jobasy elimizge keletin qonaqtardyń belsendiligin qajet etedi. «Sondyqtan bizge tek ulttyq qundylyqtarymyzdy ózgelerge pash etip qana qoımaı, qazaqstandyqtardyń da olımpıadaǵa qatysatyn memleketterdiń ulttyq dúnıelerin tamashalaýlaryna múmkindik jasaý qajet.

«Ekinshi joba, ıaǵnı «Olımpıada alaýynyń estafetasy» da Azııa oıyndarynyń tarıhynda alǵash ret uımdastyrylǵaly otyr. Atalmysh shara qańtardyń 12-si men 30-y aralyǵynda ótedi. Olımpıada alaýy Azııanyń olımpıada keńesiniń shtab-páteri ornalasqan Kýáıt eliniń astanasy El-Kýveıt qalasynda jaǵylady. Ol qańtardyń 12-si kúni jaǵylyp, charterlik reıspen Qazaqstanǵa jetkizilip, 20 kún boıy Qazaqstandy aralaıdy. Ol elimizdiń ár aımaǵynda eki-úsh kúnnen bolady. Alaýdy myńǵa jýyq adam alyp júredi. Al qańtardyń 30-y kúni estafeta elordaǵa jetkiziledi. Budan soń dástúr boıynsha olımpıadanyń basty alaýy jaǵylady», dedi N.Nurov.

Otyrys barysynda ol qysqy Azııa oıyndarynyń fakelimen tanystyrdy. Fakel bizdiń eramyzǵa deıingi I-III ǵasyrlarǵa jatatyn jáne Almaty mańynda tabylǵan saqtardyń jaryqtandyrǵysh quralynyń negizinde daıyndalǵan. «Bul fakelderdi jasaýǵa Qytaı kompanııasyna tapsyrys berdik. Olar Beıjiń jáne Vankýver oıyndarynda qoldanylǵan fakelderdi daıyndaǵan kompanııa», dedi kásiporyn basshysy.