Qazaqstanda ótetin fýtzaldan álem chempıonatynda el quramasy júldeli orynnan úmitti
ALMATY.QazAqparat - Almatyda fýtzaldan ótetin álem birinshiliginde Qazaqstan quramasynyń maqsaty men múmkindigi jaıly uıymdastyrýshylar baspasóz máslıhatynda aıtty, dep habarlaıdy QazAqparat tilshisi.
«Alǵa shyǵamyz dep oılaımyn. Osy úshin bar kúshimizdi saldyq. Ári qaraı bizdiń jigitter laıyqty deńgeıde oıyn kórsetý úshin kúresetin bolady. Týrnır kestesi boıynsha salmaqty komandalarmen qatar turmyz. Osynysymen oıyn qyzyqty bolmaq. Qaı-qaısysynyń da jeńetinine kepil joq, bári de jeńisten úmitti»,-dedi HATÝ rektory, Ulttyq stýdentter lıgasynyń prezıdenti Damır Shynybekov.
Uıymdastyrýshylar tarapynan álem chempıonaty oıynshylary men kásibı fýtbol, fýtzal klýbtary arasynda kelisimshartqa otyrý oıda bar.
Qazaqstannyń stýdenttik lıgasy kásibı klýbtarǵa oıynshylar jiberýde tájirıbesi mol. Fýtzal boıynsha qazaqstandyq stýdenttik quramanyń kapıtany Bırjan Orazov «Qaırat» fýtbol komandasynyń quramynda oınaıdy. Ol erler stýdenttik quramasynyń týrnırge daıyndyǵy týraly aıtyp berdi.
«Daıyndyq jaqsy júrip jatyr. Chempıonat bastalardan 3 aı buryn daıyndyqqa kiristik. Biz barlyq jıyndardan óttik. Qyrǵyzstan komandasymen joldastyq match ótkizdik. Bizdiń qarsylastyrymyz osal emes. Birinshi maqsatymyz - bizge bekitken toptardy artqa tastaý. Olardyń ishinde stýdentter arasynda qola júldeger chehııalyq top bar. Bul toppen birden oıynǵa túsemiz. Odan ári jeńisten úmitti degen Reseı, Argentına quramalary bar. Chempıonatta Portýgalııa, Italııadan kelgen myqty komandalar bar»,-dedi komanda kapıtany Birjan Orazov.
Damır Shynybekovtyń sózinshe, qazaqstandyq oıynshylar 4-5 ýnıversıtet stýdentterinen quralyp, bıyl qurama 80 paıyzǵa jańartylǵan.
«Qazaqstan quramasyn jańartý maqsatynda 16 ýnıversıtetten stýdentterdi jınadyq. Búginde erler komandasynda 5 oqý ornynyń, qyzdar komandasynda 4 ýnıversıtettiń stýdentteri qaldy. Іrikteý syny qatal ótti. Bıyl birinshi ret oıynshylar jasyna shekteý qoıylyp, 25 jasqa tolǵandar shettetildi. Bul degenimiz, burynǵydaı kásibı oıynshylardy jınap alyp, stýdentter atynan jiberetin ádet toqtalady degen sóz. Aldyn ala boljam boıynsha 17 quramanyń 7-eýi jeńisten úmitti deýge bolady»,- dedi Damır Shynybekov.
Qazaqstan erler quramasyn Qaırat Qulbaraqov, qyzdar komandasyn Anatolıı Odıntsov jattyqtyrady.
Fýdzaldan álem chempıonaty Almatyda FISU jáne FIFA qoldaýymen 16-shy ret -erler, 8-shi ret qyzdar arasynda ótedi. 19 tamyzda bastalatyn teńbil dop dodasyna 16 erler, 9 qyzdar komandasy qatysady. Bıyl uıymdastyrýshylar 5 qurlyqtan keletin quramany jaıǵastyrýǵa daıyndalýda.
Aıta keter jaıt, álem reıtinginde kósh bastap turǵan Ispanııa, Brazılııa elderi túrli sebepterge baılanysty Almatydaǵy dodaǵa qatysa almaıtyn boldy.
