Qazaqstanda ótetin bıznes-forýmǵa Koreıa prezıdenti qatysady
NUR-SULTAN. QazAqparat - Elordada Koreıa Respýblıkasynyń Prezıdenti Mýn Chje Inniń Qazaqstanǵa memlekettik sapary aıasynda Qazaqstan-Koreıa bıznes-forýmy ótedi, dep habarlaıdy QazAqparat «Atameken» ulttyq kásipkerlik palatasynyń Qoǵammen baılanys departamentine silteme jasap.
Departament taratqan málimetterge qaraǵanda, forým jumysyna ulttyq kompanııalar, ekonomıkanyń túrli sektoryndaǵy qazaqstandyq jáne koreıalyq iri bıznes ókilderi qatysady dep kútilýde.
«Koreıa bıznes-ortasynyń qyzyǵýshylyǵyn esepke ala otyryp, bul is-shara Qazaqstan Respýblıkasynyń eksporttyq áleýetin arttyrý, eki el arasyndaǵy kásipkerlerdiń tájirıbe almasýy, iskerlik baılanysty keńeıtý, sondaı-aq, ekonomıkanyń túrli salalarynda ekijaqty yntymaqtastyqty damytýǵa arnalǵan platformaǵa aınaldyrý josparlanyp otyr»,-delingen habarlamada.
