Qazaqstanda ótetin bıatlonnan álem chempıonatyna 41 elden sportshylar keledi

ASTANA. QazAqparat – Býrabaıda ótetin bıatlonnan álem chempıonatyna 41 shet memleketten 500-ge jýyq sportshy keledi. Bul týraly Ortalyq kommýnıkatsııalar qyzmetinde ótken brıfıngide sport jáne dene shynyqtyrý isteri komıtetiniń tóraǵasy Samat Erǵalıev aıtty, dep habarlaıdy QazAqparat tilshisi.

«Qazaqstannyń tarıhynda alǵash ret osyndaı deńgeıdegi bıatlonnan jasóspirimder men jastar arasyndaǵy álem chempıonaty ótkeli tur. Ol 4-12 naýryz aralyǵynda Aqmola oblysynyń Şýchınsk qalasynda ornalasqan qysqy sport túrleri boıynsha olımpıadalyq daıarlaý ortalyǵynyń shańǵy-bıatlon kesheninde ótpek. Qazirgi tańda bul jarysqa álemniń 41 memleketinen 500-ge jýyq sportshy kelýge nıet bildirip otyr. Qazaqstan atynan qatysatyn jetkinshekterdi 26 aqpanda ótetin QR kýboginde jasaqtaımyz. Onda sporttyń bes túri boıynsha 18 jarys josparlanǵan», - dedi Samat Erǵalıev.

Eske sala keteıik, bıyl kóktemde Astanada shahmattan álem chempıonaty ótedi.